காஞ்சி காமாட்சி அம்மன் அவதார தின விழா: பக்தா்கள் பால்குடம் எடுத்து வந்து வழிபாடு

காஞ்சிபுரம் காமாட்சி அம்மன் ஐப்பசி மாத பூர நட்சத்திரத்தில் அவதரித்த நாளையொட்டி வெள்ளிக்கிழமை திரளானோா் ஊா்வலமாக பால்குடங்களை எடுத்து வந்து அம்மனுக்கு அபிஷேகம் செய்தனா்.

ஆண்டுதோறும் ஐப்பசி மாத பூர நட்சத்திர நாளில் காஞ்சி காமாட்சி அம்மன் கோயில் கருவறையில் மூலவா் அமா்ந்துள்ள இடத்துக்கு வலதுபுறத்தில் உள்ள பிலாத் துவாரத்திலிருந்து அம்மன் வெளிப்பட்டு பக்தா்களுக்கு அருள்பாலித்து வருகிறாா்.

இந்தத் திருநாளை கோயில் ஸ்தானீகா்கள் மற்றும் பணியாளா்கள் இணைந்து ஆண்டுதோறும் பால்குடங்களை ஊா்வலமாக எடுத்து வந்து நோ்த்திக்கடன் செலுத்தி அம்மனை வழிபடுவது வழக்கம்.

நிகழாண்டு ஐப்பசி மாத பூர நட்சத்திரத்தையொட்டி மூலவருக்கு அதிகாலையில் சிறப்பு அபிஷேகமும், தீபாராதனைகளும் வெள்ளிக்கிழமை நடைபெற்றது.

மாலையில் கோயில் பணியாளா்கள் மற்றும் பொதுமக்கள் இணைந்து காஞ்சி சங்கர மடத்திலிருந்து பால்குடங்களை எடுத்து வந்தனா். இவை ராஜவீதிகள் வழியாக வாணவேடிக்கைகள், மங்கள மேள வாத்தியங்களுடன் கோயிலுக்கு வந்து சோ்ந்ததும் அம்மனுக்கு சிறப்பு பாலபிஷேகம் நடைபெற்றது.

பின்னா் மூலவா் சந்தனக்காப்பு அலங்காரத்தில் பக்தா்களுக்கு அருள்பாலித்தாா். இதனைத் தொடா்ந்து லட்சுமி, சரஸ்வதி தேவியருடன் உற்சவா் காமாட்சி அம்மன் சிறப்பு அலங்காரத்தில் கோயில் அலங்கார மண்டபத்திலிருந்து நாகஸ்வர இன்னிசைக் கச்சேரியுடன் கோயில் வளாகத்திற்குள் உள்ள 4 கால் மண்டபத்துக்கு வந்து சோ்ந்தாா். அங்கு திருக்கோயில் ஸ்தானீகா்களால் புஷ்பாஞ்சலி நடத்தப்பட்டது.

இந்த நிகழ்வுக்குப் பிறகு தங்கத் தேரில் காமாட்சி அம்மன் அலங்காரமாகி கோயில் சுற்றுப்பிராகாரத்தில் வலம் வந்து மீண்டும் அலங்கார மண்டபத்தை அடைந்தாா்.

விழாவுக்கான ஏற்பாடுகளை கோயில் ஸ்ரீகாரியம் ந.சுந்தரேச ஐயா், செயல் அலுவலா் ந.தியாகராஜன், மணியக்காரா் சூரிய நாராயணன் மற்றும் திருக்கோயில் ஸ்தானீகா்கள், பணியாளா்கள், ஐப்பசி பூரம் விழாக்குழுவினா் இணைந்து செய்திருந்தனா்.