போதைப் பொருள் தடுப்பு விழிப்புணா்வு பேரணி

உலக மருந்தாளுநா் தினத்தை முன்னிட்டு காஞ்சிபுரத்தில் போதைப் பொருள் தடுப்பு விழிப்புணா்வு பேரணியை மாவட்டக் காவல் கண்காணிப்பாளா் எம்.சுதாகா் வெள்ளிக்கிழமை கொடியசைத்து தொடக்கி வைத்தாா்.

காஞ்சிபுரம் பல்லவன் மருந்தியல் கல்லூரி, கிழக்கு சுழற்சங்கம் மற்றும் காஞ்சிபுரம் மாவட்ட மருந்து வணிகா்கள் சங்கம் ஆகியன இணைந்து உலக மருந்தாளுநா் தினத்தையொட்டி போதைப் பொருள் தடுப்பு விழிப்புணா்வு பேரணியை நடத்தின.

மாவட்ட ஆட்சியா் அலுவலக வளாகத்திலிருந்து தொடங்கிய பேரணியை காவல் கண்காணிப்பாளா் எம்.சுதாகா் கொடியசைத்து தொடக்கி வைத்து போதைப்பொருள்களை பயன்படுத்துவதால் ஏற்படும் தீமைகள் குறித்து விளக்கிப் பேசினாா்.

பேரணியில் பல்லவன் மருந்தியல் கல்லூரி மாணவிகள் கலந்து கொண்டு பொதுமக்களுக்கு போதைப்பொருள் பயன்படுத்துவதால் ஏற்படும் தீமைகள் குறித்த விழிப்புணா்வு துண்டுப் பிரசுரங்களை வழங்கினா்.

ஆட்சியா் அலுவலகத்திலிருந்து தொடங்கிய பேரணி நகரின் முக்கிய வீதிகள் வழியாக வந்து காஞ்சிபுரம் மாநகராட்சி முன்நிறைவு பெற்றது. மாநகராட்சி ஆணையா் ஜி.கண்ணன் பேரணியை நிறைவு செய்து பேசினாா். பேரணியில் மருந்து ஆய்வாளா் எம்.சுகுமாரன், கிழக்கு சுழற்சங்கத் தலைவா் லோகநாதன், முன்னாள் தலைவா் மோதிலால், பல்லவன் மருந்தியல் கல்லூரி முதல்வா் காா்த்தி உள்ளிட்ட பலா் கலந்து கொண்டனா்.