காஞ்சிபுரம் மாநகராட்சி வரிவிதிப்பு மேல்முறையீட்டுக் குழுத் தோ்தலில் திமுக கூட்டணி வெற்றி

காஞ்சிபுரம் மாநகராட்சி வரி விதிப்பு மேல் முறையீட்டுக் குழு உறுப்பினா்களுக்கான தோ்தலில் திமுக கூட்டணி வெற்றி பெற்றது.

இதற்கான தோ்தல் மாமன்ற கூட்ட அரங்கில் மேயா் எம்.மகாலட்சுமி யுவராஜ் தலைமையில் வியாழக்கிழமை நடைபெற்றது. மாநகராட்சி ஆணையா் ஜி.கண்ணன் முன்னிலை வகித்தாா். குழுவின் தலைவராக மேயா் இருந்து வரும் நிலையில் உறுப்பினா் பதவிக்கு 9 போ் தோ்வு செய்யப்பட வேண்டும். உறுப்பினா் பதவிக்கு மாமன்ற உறுப்பினா்கள் போட்டியிடலாம் என்றும் வாக்கெடுப்பு மூலம் உறுப்பினா்கள் தோ்வு செய்யப்படுவா் எனவும் அறிவிக்கப்பட்டது.

மேயா், துணை மேயா் என 35 போ் திமுக கூட்டணியில் உள்ளனா். எதிா்க்கட்சி வரிசையில் பாஜக, அதிமுக, தமாகா, பாமக உள்ளிட்ட கட்சிகளைச் சோ்ந்த 16 போ் உள்ளனா். தோ்தல் தொடங்கியதும் எதிா்க்கட்சி மாமன்ற உறுப்பினா்கள் தங்கள் வாா்டுகளில் அடிப்படை வசதிகளை செய்து கொடுக்கவில்லை, எதிா்க்கட்சி உறுப்பினா்களின் கேள்விகளுக்கு மேயா் பதிலளிக்காமல் இருப்பதாகவும் கூறி மாநகராட்சி நிா்வாகத்தைக் கண்டித்து கோஷமிட்டனா்.

எதிா்க்கட்சி உறுப்பினா்கள் கோரிக்கைகள் அடங்கிய பதாகைகளுடன் கோஷமிட்டதும், திமுக கூட்டணிக் கட்சி உறுப்பினா்களும் பதிலுக்கு கோஷம் எழுப்பியதால் பரபரப்பு ஏற்பட்டது. இதனைத் தொடா்ந்து தோ்தலை புறக்கணிப்பதாக கூறி எதிா்க்கட்சி உறுப்பினா்கள் வெளிநடப்பு செய்தனா்.

வரி விதிப்பு மேல்முறையீட்டுக்குழு உறுப்பினா்கள் தோ்தல் நடத்தப்பட்டு 9 போ் உறுப்பினா்களாக தோ்வு செய்யப்பட்டாதாக ஆணையா் ஜி.கண்ணன் அறிவித்தாா். இதனைத் தொடா்ந்து திமுக கூட்டணிக் கட்சியினா் மாநகராட்சி அலுவலகம் முன்பாக பட்டாசு வெடித்து மகிழ்ச்சியை வெளிப்படுத்தினா்.