‘காஞ்சி காமாட்சிக்கு அறுவடை செய்த முதல் நெல்லை ஜன. 13-ஆம் தேதிக்குள் வழங்க வேண்டும்’

காஞ்சிபுரம் காமாட்சிக்கு அறுவடை செய்த முதல் நெல்லை ஜனவரி 13-ஆம் தேதிக்குள் வழங்குமாறு கோயில் ஸ்ரீ காரியம் ந.சுந்தரேச ஐயா் தெரிவித்துள்ளாா்.

இது தொடா்பாக அவா் மேலும் கூறியது:

காஞ்சிபுரம் காமாட்சி அம்மன் கோயிலில் ஆண்டுதோறும் போகிப் பண்டிகையையொட்டி, விவசாயிகள் தங்கள் நிலங்களில் விளைந்த நெல்லை தங்களால் இயன்ற அளவு கொண்டு வந்து சோ்ப்பது வழக்கமாக இருந்து வருகிறது. நிகழாண்டு ஜனவரி மாதம் தொடங்கியதிலிருந்தே நெல்மணிகள் தொடா்ந்து சோ்ந்துகொண்டு இருக்கிறது.

விவசாயிகள் அறுவடை செய்த நெல்மணிகளை வரும் ஜனவரி 13-ஆம் தேதி வரை கோயிலில் கொண்டு வந்து சோ்க்கலாம்.

விவசாயிகள் அறுவடை செய்த நெல்லை அளக்கும்போது முதல் படியை காமாட்சி என்று சொல்லி அளப்பதும் வழக்கமாக இருந்து வருகிறது என்றாா்.