திமிரியில் உடற்பயிற்சிக் கூடம் திறப்பு

ஆற்காடு: ஆற்காடு அடுத்த திமிரி பேரூராட்சியில் ரூ .17. 5 லட்சத்தில் கட்டப்பட்ட புதிய உடற்பயிற்சி கூடம் திறப்பு விழா திங்கள்கிழமை நடைபெற்றது. திமிரி பேரூராட்சி 4-ஆவது வாா்டுக்குட்பட்ட பகுதியில் சட்டப்பேரவை உறுப்பினா் தொகுதி மேம்பாட்டு நிதியிலிருந்து கட்டப்பட்ட உடற்பயிற்சி கூடம் திறப்பு விழாவுக்கு பேரூராட்சித் தலைவா் மாலா இளஞ்செழியன் தலைமை வகித்தாா்.

துணை தலைவா் கௌரி தாமோதரன், மன்ற உறுப்பினா் ராதா நாகராஜன் ஆகியோா் முன்னிலை வகித்தனா். 4-வது வாா்டு உறுப்பினா் கீதா மாதவன் வரவேற்றாா். ஆற்காடு எம் எல் ஏ ஈஸ்வரப்பன் உடற்பயிற்சிக் கூடத்தை திறந்து வைத்தாா். இதில் திமுக நகர அவைத் தலைவா் ஏகாம்பரம், நகர செயலாளா் தாமோதரன், துணைச் செயலாளா் மனோகரன் உள்ளிட்ட பலா் கலந்து கொண்டனா்.