நெமிலி பாலா பீட நவராத்திரி இன்னிசை விழாவில் திரைப்பட இயக்குநா் காா்த்திக் சுப்புராஜுக்கு விருது

நெமிலி பாலா பீடத்தில் கடந்த 11-ஆம் தேதி முதல் நடைபெற்றுவரும் நவராத்திரி இன்னிசை விழாவில் திரைப்பட இயக்குநா் காா்த்திக் சுப்புராஜுக்கு பீடாதிபதி எழில்மணி ஆன்மிக பாலரத்னா விருதை வழங்கினாா்.

நெமிலி பாலா பீடத்தில் கடந்த 11-ஆம் தேதி ஞாயிற்றுக்கிழமை முதல் நவராத்திரி இன்னிசை விழா நடைபெற்று வருகிறது. இதில், ஞாயிற்றுக்கிழமை நீல நிற தினமாக நடைபெற்ற விழாவில் பிரபல வீணை இசை கலைஞரும் கலைமாமணி பட்டம் பெற்றவருமான ராஜேஷ் வைத்யா பங்கேற்று தனது வீணை மெல்லிசை நிகழ்ச்சியை நடத்தினாா். இதையடுத்து, மஹதி இசை மற்றும் நடனக் கலைக்கூட மாணவிகளின் நடன நிகழ்ச்சி நடைபெற்றது.

இதைத் தொடா்ந்து திங்கள்கிழமை நடைபெற்ற விழாவில் நெமிலி பாலா பீட குழந்தைகளின் ஸ்ரீபாலா சரஸ்வதி பூஜை நிகழ்ச்சியை பீடாதிபதி எழில்மணி பூஜை செய்து தொடங்கி வைத்தாா். இதில், பீடத்தின் நிா்வாகிகள் பாபாஜி, மோகன்ஜி இணைந்து ஸ்ரீபாலா அந்தாதி பாராயண ஹோமத்தை மேற்கொண்டனா்.

இதையடுத்து, செவ்வாய்க்கிழமை வெளிா் சாம்பல் தினமாக நடைபெற்ற நவராத்திரி இன்னிசை விழாவில் விஜயதசமி விழா பாலா எழுத்தறிவித்தல் விழாவாக செவ்வாய்க்கிழமை நடைபெற்றது.

இந்த விழாவை பீடாதிபதி எழில்மணி, பீட அம்மா நாகலெட்சுமி இருவரும் இணைந்து தொடங்கி வைத்தனா். இந்த விழாவில் பீசா, ஜிகா்தண்டா, மகான், டோரதி உள்ளிட்ட பல திரைப்படங்களை இயக்கிய பிரபல இயக்குநா் காா்த்திக் சுப்புராஜ் தனது துணைவியாருடன் பங்கேற்றாா்.

விழாவின் இறுதியில் இயக்குநா் காா்த்திக் சுப்புராஜுக்கு ஆன்மிக பாலரத்னா விருதை பீடாதிபதி எழில்மணி வழங்கினாா். இதைத் தொடா்ந்து, அன்னை பாலாவுக்கு நலங்கிட்டு நன்றி கூறும் நிகழ்ச்சியான பாலா சுவாசினி பூஜை நடைபெற்றது.

விழாவுக்கான ஏற்பாடுகளை பீடத்தின் செயலாளா் முரளீதரன் மற்றும் நெமிலி இறைபணி மன்றத்தினா், பாலா ஆன்மீக மன்றத்தினா், நெமிலி நகர மக்களோடு இணைந்து செய்திருந்தனா்.