தொழிலாளியை கொலை செய்ய முயற்சி: ஒன்றியக் குழு உறுப்பினரின் கணவா் உள்பட 3 போ் கைது

அரக்கோணம் அருகே ஆலை தொழிலாளியை கொலை செய்ய முயற்சி செய்ததாக அரக்கோணம் ஒன்றியக் குழு உறுப்பினரின் கணவா் உள்ளிட்ட மூவா் கைது செய்யப்பட்டனா்.

அரக்கோணத்தை அடுத்த அம்மனூரை சோ்ந்த விநாயகத்தின் மகன் இளவரசு (21). அரக்கோணத்தை அடுத்த நாகவேடு கிராமத்தில் உள்ள மதுக்கடைக்கு சென்ற இளவரசு, அங்கு மது அருந்திவிட்டு பைக்கில் வீடு திரும்பிக் கொண்டிருந்தாராம். அப்போது, அம்மனூரை சோ்ந்த பிரேம்குமாா் (39) என்ற பேச இயலாத மாற்றுத்திறனாளி, இளவரசுவிடம் லிப்ட் கேட்டதாகத் தெரிகிறது. இதற்கு அவா் மறுத்த நிலையில் இருவருக்கும் இடையே தகராறு ஏற்பட்டு கைகலப்பாகி இருக்கிறது.

இதையடுத்து வீடு திரும்பிய பிரேம்குமாா், அம்மனுரில் இருந்து சுதாகா்(50), ராஜேஷ்(37) இருவரையும் அழைத்துக் கொண்டு அம்மனூா் கிராம நிா்வாக அலுவலா் அலுவலகம் அருகே சென்று கொண்டிருந்த இளவரசுவை தாக்கியதாகக் கூறப்படுகிறது. இதில் பலத்த காயமடைந்த இளவரசு, அரக்கோணம் அரசு மருத்துவமனையில் அனுமதிக்கப்பட்டாா்.

இந்தச் சம்பவம் குறித்து அறிந்த அரக்கோணம் நகர காவல் நிலைய போலீஸாா், விசாரணை நடத்தி பிரேம்குமாா், சுதாகா், ராஜேஷ் ஆகிய மூவரையும் கைது செய்தனா். இதில், கைது செய்யப்பட்ட சுதாகா், அரக்கோணம் ஒன்றியக் குழு உறுப்பினா் அஸ்வினியின் கணவா் என்பதும், இவா் ஏற்கனவே கொலை வழக்கில் கைது செய்யப்பட்டு குண்டா் சட்டத்தில் சிறைத் தண்டனை அனுபவித்தவா் என்பதும் குறிப்பிடத்தக்கது.