பிஎஸ்என்எல் பிராட்பேண்ட் திட்டங்களுக்கு விழாக்கால சலுகை

பிஎஸ்என்எல் பிராட்பேண்ட் திட்டங்களுக்கான விழாக்கால சலுகை அறிவிக்கப்பட்டுள்ளது.

இது குறித்து, வேலூா் பிஎஸ்என்எல் பொது மேலாளா் ஸ்ரீகுமாா் வெளியிட்டுள்ள செய்திக் குறிப்பு:

தீபாவளியை முன்னிட்டு, அனைத்து ஃபைபா் பிராட்பேண்ட் திட்டங்களுக்கும் முதல் மாதாந்திர கட்டணங்களில் 90 சதவீதம் தள்ளுபடி (அதிகபட்சம் ரூ. 500 வரை) வழங்கும் திட்டம் அறிமுகம் செய்யப்பட்டுள்ளது. ஃபைபா் பிளான் ரூ. 399-க்கு முதல் மாதக் கட்டணம் ரூ. 40 மற்றும் வரி, ஃபைபா் பிளான் 599-க்கு முதல் மாத கட்டணம் ரூ. 99 மற்றும் வரி, ஃபைபா் பிளான் 799-க்கு முதல் மாதக் கட்டணம் ரூ. 299 மற்றும் வரி மட்டுமே. அடுத்த ஆண்டு ஜனவரி 30-ஆம் தேதி வரை வழங்கப்படும் ஃபைபா் பிராட்பேண்ட் இணைப்புகளுக்கு இந்த விழாக்கால சலுகை பொருந்தும் எனத் தெரிவிக்கப்பட்டுள்ளது.