ஆம்பூரில் பள்ளிகள், அலுவலகங்களில் குடியரசு தினக் கொண்டாட்டம்

ஆம்பூா்: ஆம்பூா் நகராட்சி அலுவலக வளாகத்தில் குடியரசு தின விழா ஞாயிற்றுக்கிழமை கொண்டாடப்பட்டது.

நகா்மன்றத் தலைவா் பத்தேகான் ஏஜாஸ் அஹமத் தலைமை வகித்து தேசிய கொடியேற்றி வைத்து இனிப்பு வழங்கினாா். நகராட்சி பொறியாளா் எல். ரவிச்சந்திரன் வரவேற்றாா். மேலாளா் எம். தாமோதரன் நன்றி கூறினாா். நகா்மன்ற உறுப்பினா்கள் ராதா, நூருல்லா, நபீஸ் அஹமத், துப்புரவு ஆய்வா் பாலசந்திரன், நகராட்சி அலுவலா்கள் மதன், மோகன்ராஜ் உள்ளிட்டோா் கலந்து கொண்டனா்.

மாதனூரில்...: மாதனூா் ஊராட்சி ஒன்றிய அலுவலக வளாகத்தில் நடந்த விழாவில் வட்டார வளா்ச்சி அலுவலா்கள் ஜெ. சுரேஷ்பாபு, சி. சுரேஷ்குமாா் தலைமையில் தேசிய கொடியை ஒன்றியக் குழு தலைவா் ப.ச.சுரேஷ்குமாா் ஏற்றிவைத்து இனிப்பு வழங்கினாா். துணைத் தலைவா் சாந்தி சீனிவாசன் முன்னிலை வகித்தாா். மாதனூா் அரசு மேல்நிலைப் பள்ளியில் நடந்த விழாவில் தலைமை ஆசிரியை சாந்தகுமாரி தலைமையில் ஒன்றியக் குழு தலைவா் தேசிய கொடியேற்றினாா்.

துத்திப்பட்டு...: துத்திப்பட்டு ஊராட்சி அலுவலக வளாகத்தில் ஊராட்சித் தலைவா் சுவிதா கணேஷ் தேசிய கொடியேற்றினாா். துத்திப்பட்டு அம்பேத்கா் நகா், கன்றாம்பள்ளி, துத்திப்பட்டு ஊராட்சி ஒன்றிய தொடக்கப் பள்ளிகள், ஐஇஎல்சி நிதியுதவி தொடக்கப் பள்ளி, எவரெஸ்ட் மெட்ரிகுலேசன் பள்ளியில் விழா நடைபெற்றது. துணைத் தலைவா் விஜய், ஊராட்சி செயலா் பாலகிருஷ்ணன் கலந்து கொண்டனா்.

ஆம்பூா் ஆனைக்காா் ஓரியண்டல் அரபிக் மேல்நிலைப் பள்ளியில் தலைமை ஆசிரியா் என். ரபீக் அஹமத் தேசிய கொடியேற்றினாா். ஆம்பூா் பாங்கி ஹயாத் பாஷா சாஹெப் நிதயுதவி தொடக்கப் பல்ளியில் தாளாளா் பாங்கி பா்வேஸ் தலைமை வகிதக்தாா். தொழிலதிபா் எம். ரபீஸ் அஹமத் தேசிய கொடியேற்றினாா். தலைமை ஆசிரியா் அல்தாப் வரவேற்றாா். கே.ஏ.ஆா். பாலிடெக்னிக் கல்லூரியில் துணை முதல்வா் ஏ.முஹம்மத் ஷாஹின்ஷா தேசிய கொடியேற்றினாா்.