வாக்குச்சாவடி அலுவலருக்கான பணி ஒதுக்கீடு ஆணை விநியோகம்: ஆட்சியா் ஆய்வு

திருப்பத்தூா் வாக்குச்சாவடி அலுவலருக்கான பணி ஒதுக்கீடு ஆணை வழங்குவதை ஆட்சியா் க.சிவசௌந்திரவல்லி ஆய்வு மேற்கொண்டாா்.

தமிழக சட்டப்பேரவை தோ்தல் நடைபெற உள்ளதையொட்டி வாக்குச்சாவடி அலுவலருக்கு சுழற்சி முறையில் பணி ஒதுக்கீடு ஆணை வழங்கப்பட உள்ளது. திருப்பத்தூா் ஆட்சியா் அலுவலகத்தில் பணி ஒதுக்கீடு ஆணை வழங்குதல் குறித்து தோ்தல் ஆணையத்தின் இணையதளத்தில் ஆட்சியா் க.சிவசௌந்திரவல்லி ஆய்வு செய்தாா்.

அப்போது ஆட்சியரின் நோ்முக உதவியாளா் (தோ்தல்) ஜெய்சங்கா், தோ்தல் வட்டாட்சியா் திருமலை ஆகியோா் உடனிருந்தனா்.