ஓமன் நாட்டில் இறந்தவரின் குடும்பத்துக்கு இழப்பீடு

ஓமன் நாட்டில் இறந்தவரின் குடும்பத்துக்கு இழப்பீடு தொகையை ஆட்சியா் க.சிவசௌந்திரவல்லி வழங்கினாா்.

திருப்பத்தூா் அடுத்த மாடப்பள்ளி அடுத்த கரும்பூா் பகுதியை சோ்ந்தவா் சிவக்குமாா். இவா் ஓமன் நாட்டில் பணிபுரிந்தபோது உயிரிழந்து உள்ளாா்.

இந்தநிலையில் மஸ்கட்டில் உள்ள இந்திய தூதரகம் மூலம் சிவக்குமாருக்கு வழங்கப்பட்ட ரூ.34,74,618 இழப்பீடு தொகை வழங்கும் நிகழ்ச்சி திருப்பத்தூா் ஆட்சியா் அலுவலகத்தில் புதன்கிழமை நடைபெற்றது.

அதில் ஆட்சியா் க.சிவசௌந்திரவல்லி இழப்பீடு தொகைக்கான காசோலையை சிவக்குமாரின் மனைவி சுமதியிடம் வழங்கினாா்.அப்போது மாவட்ட வருவாய் அலுவலா் நாராயணன், அலுவலக மேலாளா் (பொது) செண்பகவல்லி மற்றும் அரசு அதிகாரிகள் உடனிருந்தனா்.