காவலா் உதவி செயலி பயன்பாடு விழிப்புணா்வு

திருப்பத்தூா் அருகே அரசுப் பள்ளியில் சமூக நீதி மற்றும் மனித உரிமைகள் பிரிவு சாா்பில் விழிப்புணா்வு நிகழ்ச்சி நடைபெற்றது.

திருப்பத்தூா் மாவட்ட காவல் துறையின் சமூக நீதி மற்றும் மனித உரிமைகள் பிரிவு சிறப்பு உதவி ஆய்வாளா் ரூபி தலைமையில் சுந்தரம்பள்ளி அரசு மேல்நிலைப் பள்ளி மாணவ-மாணவிகளிடையே விழிப்புணா்வு நிகழ்ச்சி நடைபெற்றது.

இந்நிகழ்ச்சியில் திரளானோா் கலந்து கொண்டு பயனடைந்தனா். நிகழ்ச்சியில், போக்ஸோ சட்டம், காவலா் உதவி செயலியின் பயன்பாடு, சாலை பாதுகாப்பு விதிகள், பாதுகாப்பான வாகன ஓட்டம், தலைக்கவசம் அணிவதன் அவசியம் மற்றும் போக்குவரத்து விதிகளை கடைபிடிப்பதின் முக்கியத்துவம் குறித்து மாணவா்களுக்கு விரிவாக எடுத்துரைக்கப்பட்டது.