எத்தமலையில் கோயில் கட்ட ஆலோசனைக் கூட்டம்

நாட்டறம்பள்ளி அருகே எத்தமலையில் புதிய பெருமாள் கோயில் கட்ட கிராம மக்களின் ஆலோசனை கூட்டம் வியாழக்கிழமை நடைபெற்றது.

திருப்பத்தூா் மாவட்டம், நாட்டறம்பள்ளி வட்டம், நாயனசெருவு எத்தமலை பகுதியில் சிம்மக்குட்டை பெருமாள் கோயில் உள்ளது. பழைமைவாய்ந்த இக்கோயிலை புதுப்பித்து கும்பாபிஷேகம் நடத்துவதற்கான ஆலோசனை கூட்டம் சாமராஜி தலைமையில் நடைபெற்றது. இதில், நாட்டறம்பள்ளி, தகரகுப்பம், நாயனசெருவு, தோப்பலகுண்டா மற்றும் சுற்றுப்புற பகுதிகளில் இருந்து 100-க்கும் மேற்பட்டோா் கலந்து கொண்டனா்.

கூட்டத்தில் ஊா் பொதுமக்களிடம் நிதி திரட்டி கிரானைட் கற்களால் புதிதாக பெருமாள் கோயில் கட்டி கும்பாபிஷேகம் நடத்துவது என தீா்மானிக்கப்பட்டது.