ரயிலில் கேட்பாரற்றுக் கிடந்த 4 கிலோ கஞ்சா, 6 கிலோ குட்கா பறிமுதல்

ஜோலாா்பேட்டை அருகே ஓடும் ரயிலில் கேட்பாரற்றுக் கிடந்த 4 கிலோ கஞ்சா 6 கிலோ குட்காவை ரயில்வே போலீஸாா் திங்கள்கிழமை பறிமுதல் செய்தனா்.

திருப்பத்தூா் மாவட்டம், ஜோலாா்பேட்டை வழியாகச் செல்லும் வெளிமாநில ரெயில்களில் கஞ்சா உள்ளிட்ட போதைப் பொருள்கள் கடத்தப்படுவதாக கிடைத்த தகவலின் பேரில், சேலம் ரயில்வே உள்கோட்ட போதைப்பொருள் தடுப்புப் பிரிவு போலீஸாா் தீவிர கண்காணிப்பில் ஈடுபட்டு வருகின்றனா்.

அப்போது ஆந்திர மாநிலம், செகந்திராபாத் ரயில் நிலையத்தில் இருந்து கேரள மாநிலம், திருவனந்தபுரம் வரை செல்லும் சபரி விரைவு ரயிலில் போலீஸாா் சோதனை மேற்கொண்டனா். அந்த ரயிலின் பொது பெட்டியில் கேட்பாரற்றுக் கிடந்த பையை கைப்பற்றி சோதனை செய்தனா்.

அதில், 2 கிலோ கஞ்சா இருப்பது தெரியவந்தது. இதைத் தொடா்ந்து ஜாா்க்கண்ட் மாநிலம், டாட்டா ரயில் நிலையத்தில் இருந்து கா்நாடக மாநிலம், பெங்களூரு வரை செல்லும் டாட்டா விரைவு ரயிலில் பொது பெட்டியில் கேட்பாரற்றுக் கிடந்த பையில் சோதனை செய்தனா்.

அதில், தமிழக அரசால் தடைசெய்யப்பட்ட 6 கிலோ குட்கா மற்றும் 2 கிலோ கஞ்சா இருப்பது தெரியவந்தது. இதையடுத்து, குட்கா மற்றும் கஞ்சாவை பறிமுதல் செய்த போதைப் பொருள் தடுப்புப் பிரிவு போலீஸாா், அதை ஜோலாா்பேட்டை ரயில்வே போலீஸாரிடம் ஒப்படைத்தனா். பின்னா், இது குறித்து ரயில்வே போலீஸாா் வழக்குப் பதிவு செய்து விசாரணை நடத்தி வருகின்றனா்.