வனப்பகுதியில் குப்பை கொட்ட நகராட்சிக்கு தடை

வனப்பகுதியில் குப்பைகள் கொட்டுவதால் ஏற்படும் சுகாதாரக் கேடு குறித்து ஆய்வு மேற்கொண்ட திருத்தணி வட்டாட்சியர், நகராட்சி நிர்வாகத்துக்கு குப்பை கொட்ட தடைவித்தார். 
திருத்தணி நகராட்சியில் உள்ள 21 வார்டுகளில் சேகரிக்கப்படும் குப்பைகளை, திருத்தணி அருகே உள்ள பெரியகடம்பூர் காப்புக் காடு பகுதியில் கொட்டி தீ வைத்து எரித்து வந்தனர். இதனால் வனவிலங்குள் உயிரிழந்து வருவதாகவும், பொதுமக்களுக்கு சுகாதாரக் கேடு ஏற்படுவதாகவும்குறித்து கிராம மக்கள் மாவட்ட ஆட்சியரிடம் மனு கொடுத்தனர்.
இதனைத் தொடர்ந்து திருவள்ளூர் மாவட்ட ஆட்சியர் மகேஸ்வரி ரவிகுமார் உத்தரவின் பேரில், திருத்தணி வட்டாட்சியர் செங்கலா நேரில் ஆய்வு செய்தார். அப்போது, இனிவரும் காலங்களில் குப்பைகளை காப்புக் காட்டில் கொட்டக்கூடாது, கொட்டப்பட்ட குப்பைகளை ஒரு வாரத்துக்குள் அப்புறப்படுத்த வேண்டும் என நகராட்சி நிர்வாகத்துக்கு உத்தரவிட்டார்.