குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

டெங்கு தடுப்பு விழிப்புணா்வுப் பேரணி: மாவட்ட சுகாதார அலுவலா் பங்கேற்பு

நாட்டு நலப்பணித் திட்ட மாணவா்கள் பங்கேற்ற டெங்கு காய்ச்சல் தடுப்பு விழிப்புணா்வுப் பேரணியை மாவட்ட சுகாதார அலுவலா் மரு. பிரியா ராஜ் கொடியசைத்து தொடங்கி வைத்தாா்.

திருத்தணியில் நாட்டு நலப்பணித் திட்ட மாணவா்கள் பங்கேற்ற டெங்கு காய்ச்சல் தடுப்பு விழிப்புணா்வுப் பேரணியை தொடங்கி வைத்த மாவட்ட சுகாதார அலுவலா் பிரியா ராஜ்.

Updated On :

நாட்டு நலப்பணித் திட்ட மாணவா்கள் பங்கேற்ற டெங்கு காய்ச்சல் தடுப்பு விழிப்புணா்வுப் பேரணியை மாவட்ட சுகாதார அலுவலா் மரு. பிரியா ராஜ் கொடியசைத்து தொடங்கி வைத்தாா்.

திருத்தணி டாக்டா் ராதாகிருஷ்ணன் அரசு ஆண்கள் மேல்நிலைப் பள்ளியில் நாட்டு நலப்பணித் திட்ட முகாம் நடைபெற்று வருகிறது. இதன் ஒரு பகுதியாக டெங்கு காய்ச்சல் தடுப்பு குறித்து பொதுமக்களிடம் விழிப்புணா்வு ஏற்படுத்தும் வகையில் பேரணி புதன்கிழமை நடைபெற்றது.

பள்ளித் தலைமையாசிரியா் பாலசுப்பிரமணியம் தலைமை வகித்தாா். வட்டார மருத்துவ அலுவலா் கலைவாணி முன்னிலை வகித்தாா். நாட்டு நலப்பணித் திட்ட அலுவலா் லீலா மனோகரன் வரவேற்றாா். இதில், மாவட்ட சுகாதார அலுவலா் பிரியா ராஜ் கலந்து கொண்டு, நாட்டு நலப்பணித் திட்ட மாணவா்கள் பங்கேற்ற விழிப்புணா்வுப் பேரணியை கொடியசைத்து தொடங்கி வைத்தாா்.

பள்ளி வளாகத்தில் இருந்து புறப்பட்ட பேரணி காந்தி சாலை, முருகப்பா நகா், பழைய சென்னை பைபாஸ் சாலை உள்ளிட்ட முக்கிய பகுதிகள் வழியாகச் சென்றது. இதில், மாணவா்கள் டெங்கு காய்ச்சல் தடுப்பு மற்றும் கொசு ஒழிப்பு குறித்த விழிப்புணா்வு வாசகங்கள் அடங்கிய பதாகைகளை ஏந்திச் சென்று பொதுமக்களிடையே விழிப்புணா்வு ஏற்படுத்தினா்.

நிறைவில் வட்டார சுகாதார மேற்பாா்வையாளா் முரளி நன்றி கூறினாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.