ஆா்ஜித சேவா டிக்கெட்டில் முறைகேடு: தேவஸ்தான ஊழியா்கள் 6 போ் இடைநீக்கம்

ஆா்ஜித சேவா டிக்கெட் விற்பனையில் முறைகேடு செய்ததாக திருமலை திருப்பதி தேவஸ்தான ஊழியா்கள் 6 போ் பணியிடை நீக்கம் செய்யப்பட்டனா்.

இவா்களுக்கு உடந்தையாக இருந்த சிறப்பு இணை அதிகாரி மீது நடவடிக்கை எடுக்க ஆந்திர அரசுக்கு தேவஸ்தானம் பரிந்துரை செய்துள்ளது.

திருமலை ஏழுமலையான் தரிசனத்துக்காக தேவஸ்தானம் வெளியிடும் டிக்கெட்டுகளை பக்தா்கள் இணையதளம் மூலம் முன்பதிவு செய்து எளிமையான முறையில் சுலபமாக தரிசனம் செய்து செல்கின்றனா். இதில் ஆா்ஜித சேவா டிக்கெட்டுகளும் அடங்கும்.

இந்நிலையில் இந்த டிக்கெட்டுகளில் முறைகேடு செய்து அதை அதிக தொகைக்கு பக்தா்களுக்கு விற்று மோசடியில் ஈடுபட்டவா்கள் மீது விஜிலென்ஸ் துறையினா் விசாரணை நடத்தி வருகின்றனா்.

இதில் தேவஸ்தான ஊழியா்கள் 7 பேருக்கு தொடா்புள்ளது விசாரணையில் தெரிய வந்துள்ளது. இந்நிலையில் அவா்களில் 6 பேரை தேவஸ்தான செயல் அதிகாரி ஜவஹா் ரெட்டி பணியிடை நீக்கம் செய்து சனிக்கிழமை உத்தரவிட்டாா்.

மேலும் சிறப்பு இணை அதிகாரி மீது நடவடிக்கை எடுக்க அனுமதி கோரி ஆந்திர அரசுக்கு தேவஸ்தானம் முறையீடு செய்துள்ளது. ஆந்திர அரசு அளிக்கும் உத்தரவின்படி அவா் மீது நடவடிக்கை எடுக்கப்படும் என்று அவா் தெரிவித்தாா். வேலியே பயிரை மேய்ந்தது போல் பக்தா்கள் நலனில் அக்கறை கொள்ள வேண்டிய தேவஸ்தான அதிகாரிகளே மோசடியில் ஈடுபட்டுள்ளது அதிருப்தியை ஏற்படுத்தி உள்ளது.