சிகாகோ தினவிழா

செங்கம் ஸ்ரீ ராமகிருஷ்ணா மெட்ரிக். மேல்நிலைப் பள்ளியில் சுவாமி விவேகானந்தரின் சிகாகோ தின விழா அண்மையில் கொண்டாடப்பட்டது.

நிகழ்ச்சிக்கு ஸ்ரீ ராமகிருஷ்ணா அறக்கட்டளை நிர்வாகக் குழுத் தலைவர் எஸ்.பாண்டுரங்கன் தலைமை வகித்தார். செயலாளர் ராமமூர்த்தி வரவேற்றார். நிகழ்ச்சியில் பள்ளி மாணவ, மாணவிகள், ஆசிரியர்கள் பங்கேற்று சுவாமி விவேகானந்தர் சிகாகோ மாநாட்டில் பேசிய பொன்மொழிகளைப் பேசினர். மேலும் விவேகானந்தர் உள்ளிட்ட பல்வேறு வேடம் அணிந்து வந்தனர். விவேகானந்தர் குறித்த வரலாறு, பேச்சுப் போட்டிகள் நடைபெற்றன. அதில் வென்ற மாணவர்களுக்கு நிர்வாகக் குழுத் தலைவர் எஸ்.பாண்டுரங்கன் பரிசுகளை வழங்கிப் பாராட்டினார்.

பள்ளி முதல்வர், தலைமை ஆசிரியர், ஆசிரியர்கள், மாணவர்கள் உள்ளிட்டோர் கலந்துகொண்டனர்.