மாவட்ட மைய நூலகத்தில் டிஎன்பிஎஸ்சி குரூப் - 2 தேர்வுக்கு இலவசப் பயிற்சி

திருவண்ணாமலை மாவட்ட மைய நூலகத்தில் நடத்தப்படும் டிஎன்பிஎஸ்சி குரூப் - 2 தேர்வுக்கான இலவசப் பயிற்சி முகாமில் தேர்வர்கள் கலந்து கொண்டு பயன்பெறலாம் என்று மாவட்ட மைய நூலகம் தெரிவித்தது.
திருவண்ணாமலை - செங்கம் சாலையில் மாவட்ட மைய நூலகம் இயங்கி வருகிறது. இங்கு பல்வேறு போட்டித் தேர்வுகளுக்கான இலவசப் பயிற்சி வகுப்புகள் அவ்வப்போது நடத்தப்பட்டு வருகின்றன. இந்த நிலையில், டிஎன்பிஎஸ்சி குரூப் - 2 தேர்வுக்கான இலவசப் பயிற்சி வகுப்பு நடத்த திட்டமிடப்பட்டுள்ளது.  அதன்படி, ஏப்ரல் 1-ஆம் தேதி முதல் வாரந்தோறும் சனி, ஞாயிற்றுக்கிழமைகளில் காலை 10 முதல் மாலை 5 மணி வரை டிஎன்பிஎஸ்சி குரூப் - 2 தேர்வுக்கான இலவசப் பயிற்சி வகுப்புகள் நடைபெறும். இந்த வாய்ப்பை தேர்வர்கள் அனைவரும் பயன்படுத்திக் கொள்ளலாம் என்று மாவட்ட மைய நூலகர் பெ.வள்ளி தெரிவித்தார்.