சேஷாத்திரி ஆஸ்ரமத்தில் சாதுக்களுக்கு ஆடைகள் தானம்

திருவண்ணாமலை ஸ்ரீ சேஷாத்திரி சுவாமிகள் ஆஸ்ரமத்தில் சுவாமிகளின் சிஷ்யை அன்னை உமாதேவியின் 76-ஆவது ஆண்டு ஜெயந்தி விழா திங்கள்கிழமை கொண்டாடப்பட்டது. இதையொட்டி, சாதுக்களுக்கு ஆடை தானம் வழங்கப்பட்டது.
விழாவை முன்னிட்டு, ஆஸ்ரம வளாகத்தில் காலை 9 மணி முதல் 11.30 மணி வரை சிறப்பு ஹோமம் நடைபெற்றது. தொடர்ந்து, பகல் 12 மணிக்கு அன்னதானம் வழங்கப்பட்டது.
ஆஸ்ரமத் தலைவர் ஆர்.முத்துக்குமாரசாமி, செயலர் டி.வி.எஸ்.ராஜாராம் ஆகியோர் 100-க்கும் மேற்பட்ட சாதுக்களுக்கு ஆடைகளை தானம் வழங்கினர். நிகழ்ச்சியில் ஆஸ்ரம நிர்வாகக் குழு உறுப்பினர்கள், பக்தர்கள் உள்பட பலர் கலந்து கொண்டனர்.