திருவண்ணாமலை மாவட்டத்தில்மேலும் 151 பேருக்கு கரோனா

திருவண்ணாமலை/ செய்யாறு: திருவண்ணாமலை மாவட்டத்தில் வெள்ளிக்கிழமை ஒரே நாளில் 151 பேருக்கு கரோனா தொற்று உறுதி செய்யப்பட்டது. செய்யாறு பகுதியைச் சோ்ந்த மளிகைக் கடைக்காரா் உயிரிழந்தாா்.

திருவண்ணாமலை மாவட்டத்தில் வெள்ளிக்கிழமை வெளியான பரிசோதனை முடிவுகளில் மாவட்டத்தின் பல்வேறு பகுதிகளில் உள்ள அரசு மருத்துவமனைகள், ஆரம்ப சுகாதார நிலையங்களின் புறநோயாளிகள் பிரிவுக்கு வந்த 26 போ், கரோனா தொற்றால் பாதிக்கப்பட்ட நபா்களின் உறவினா்கள் 38 போ், கரோனா தொற்றுக்குள்ளான நபா்கள் சென்று வந்த இடங்களில் இருந்ததால் பாதிக்கப்பட்ட 34 போ், சென்னையிலிருந்து திரும்பிய 20 போ், பெங்களூருவிலிருந்து திரும்பிய 6 போ், காஞ்சிபுரத்துக்கு சென்று வந்த ஒருவா் உள்பட மொத்தம் 151 பேருக்கு புதிதாக கரோனா தொற்று உறுதி செய்யப்பட்டது.

இவா்களுடன் சோ்த்து மாவட்டத்தில் இந்த நோய்த் தொற்றால் பாதிக்கப்பட்டவா்களின் மொத்த எண்ணிக்கை 2 ஆயிரத்து 182-ஆக உயா்ந்தது.

மளிகைக் கடைக்காரா் பலி: செய்யாறு வட்டம், நெடுங்கல் கிராமத்தைச் சோ்ந்த 55 வயதான மளிகைக் கடைக்காரருக்கு காய்ச்சல் ஏற்பட்டு, உடல் சோா்வுடன் இருந்ததால், அருகிலுள்ள தேத்துறை கிராமத்தில் கடந்த ஜூன் 29-ஆம் தேதி நடைபெற்ற மருத்துவ முகாமில் கரோனா பரிசோதனை செய்துகொண்டாா். இதில், அவருக்கு கரோனா தொற்றிருப்பது வியாழக்கிழமை உறுதி செய்யப்பட்டது.

முன்னதாக, அவருக்கு புதன்கிழமை இரவு மூச்சுத் திறணல் ஏற்பட்டதால், காஞ்சிபுரம் அரசு மருத்துவமனையில் தீவிர சிகிச்சைப் பிரிவில் அனுமதிக்கப்பட்டாா். எனினும், அங்கு வெள்ளிக்கிழமை மாலை உயிரிழந்தாா்.