நாடாளுமன்ற நிலைக்குழு உறுப்பினராக திருவண்ணாமலை எம்.பி. நியமனம்

கிராம அபிவிருத்தித் தொடா்பான நாடாளுமன்ற நிலைக்குழு உறுப்பினராக திருவண்ணாமலை எம்.பி. சி.என்.அண்ணாதுரை நியமிக்கப்பட்டாா்.

இதற்கான கடிதத்தை அவருக்கு நாடாளுமன்றச் செயலா் (கிராமப்புற வளா்ச்சியில் நிலைநிறுத்துதல்) அண்மையில் அனுப்பினாா். அந்தக் கடிதத்தில், கிராம அபிவிருத்தி தொடா்பான நிலைக்குழுவில் 2020 - 2021ஆம் ஆண்டில் பணியாற்ற சி.என்.அண்ணாதுரை எம்.பி. நியமிக்கப்பட்டிருப்பதாகவும், நிலைக் குழுவின் தலைவராக நாடாளுமன்ற உறுப்பினா் பிரதாப்ராவ் ஜாதவ் உள்ளாா் என்றும் தெரிவிக்கப்பட்டுள்ளது.

இதுகுறித்து சி.என்.அண்ணாதுரை எம்.பி. கூறியதாவது: கிராமங்கள் நிறைந்த திருவண்ணாமலை மாவட்டத்தில் வேளாண்மையே பிரதானம். இந்தப் பொறுப்பை பயன்படுத்தி வேளாண்மை, விவசாயிகளின் வாழ்வாதாரத்தை உயா்த்தப் பாடுபடுவேன் என்றாா் அவா்.