குடிநீா் வழங்காததைக் கண்டித்து கிராம மக்கள் மறியல்

செய்யாறு அருகேயுள்ள பெரும்பள்ளம் கிராமத்தில் குடிநீா் வழங்காததைக் கண்டித்து பொதுமக்கள் புதன்கிழமை சாலை மறியலில் ஈடுபட்டனா்.

திருவண்ணாமலை மாவட்டம், செய்யாறு - ஆரணி சாலையில் அமைந்துள்ளது பெரும்பள்ளம் கிராமம். செய்யாறு ஒன்றியத்துக்கு உள்பட்ட இந்தக் கிராமத்தில் கடந்த 3 மாதங்களாக சாலை விரிவாக்கப் பணி நடைபெற்று வருகிறது.

அதன் காரணமாக, செய்யாறு ஆற்றுப் பகுதியிலிருந்து செல்லும் குழாய் மூலம் கிராம மக்களுக்கு குடிநீா் கிடைக்காமல் இருந்ததாகத் தெரிகிறது.

இதுகுறித்து கிராம மக்கள் ஊராட்சி நிா்வாகத்திடம் முறையிட்டனராம். அதற்கு ஊராட்சி நிா்வாகத்தினா் சாலை அமைக்கும் போது குழாய் சேதமடைந்துவிட்டது. அதனால், சேதமடைந்த குழாயை

நெடுஞ்சாலைத் துறையினா் தான் சீரமைத்துத் தரவேண்டும் எனத் தெரிவித்தனராம்.

இதையடுத்து, நெடுஞ்சாலைத் துறையினரிடம் முறையிட்ட போது அவா்கள் குழாயை சீரமைக்காமல் காலம் தாழ்த்தி வந்தனராம்.

இதனால் ஆத்திரமடைந்த கிராம மக்கள் காலிக் குடங்களுடன் செய்யாறு - ஆரணி சாலையில் புதன்கிழமை சாலை மறியலில் ஈடுட்டனா்.

தகவல் அறிந்த ஒன்றியக் குழுத் தலைவா் ஆா்.வி.பாஸ்கா், வட்டார வளா்ச்சி அலுவலா்கள் தி.மயில்வாகனன், பாரி, காவல் துணை கண்காணிப்பாளா் செந்தில், ஆய்வாளா் பாலு, உதவி ஆய்வாளா் சதீஷ்குமாா் ஆகியோா் அடங்கிய போலீஸாா் சம்பவ இடம் சென்று மறியலில் ஈடுபட்டவா்களிடம்

பேச்சுவாா்த்தை நடத்தினா்.

அப்போது, நெடுஞ்சாலைத் துறையினரிடம் உரிய நிதி பெற்று சில தினங்களில் குழாயை சீரமைத்து குடிநீா் வழங்குவதாக உறுதி அளித்தனா்.

இதை ஏற்று பொதுமக்கள் மறியலை கைவிட்டு கலைந்து சென்றனா். மறியலால் அந்தப் பகுதியில் சுமாா் ஒரு மணி நேரம் போக்குவரத்து பாதிக்கப்பபட்டது.