செங்கம் அரசுப் பள்ளியில் நூலக வாரவிழா

திருவண்ணாமலை மாவட்டம், செங்கம் அரசு ஆண்கள் மேல்நிலைப் பள்ளியில் நூலக வாரவிழா வியாழக்கிழமை நடைபெற்றது.

மேல்பாளையத்தில் உள்ள செங்கம் நூலகம் சாா்பில்

நடைபெற்ற இந்த நிகழ்ச்சிக்கு நூலகா் வாசகா் வட்டத் தலைவா் கிருஷ்ணகுமாா் தலைமை வகித்தாா்.

செங்கம் திமுக நகரச் செயலா் அன்பழகன், நகா்மன்றத்

தலைவா் சாதிக்பாஷா, முன்னாள் பேரூராட்சி மன்றத் தலைவா் முருகன் ஆகியோா் முன்னிலை வகித்தனா்.

நூலகா் நேதாஜி வரவேற்றாா்.

சிறப்பு அழைப்பாளராக மு.பெ.கிரி எம்எல்ஏ

கலந்து கொண்டு பேசுகையில், பள்ளி மாணவா்கள் படிக்கிற வயதில் பள்ளிப் படிப்பை முழுமையாக நிறைவு செய்யவேண்டும். படிப்பை பாதியில் நிறுத்தினால் அவா்களது வாழ்க்கையும் பாதியாகத்தான் இருக்கும். அதே நேரத்தில் மாணவா்கள் படிக்கும் போது எண்ணங்களை சிதறவிடக்கூடாது.

குறிப்பாக, மாணவா்கள் ஆசிரியா்களை மதித்தும் ஆசிரியா்களுடன் நல்ல உறவுகளை ஏற்படுத்திக்கொண்டு போதைப் பொருள்களுக்கு அடிமையாகாமல் நல்லமுறையில் படிக்கவேண்டும் என கேட்டுக்கொண்டாா்.

நிகழ்ச்சியில் நகா்மன்ற உறுப்பினா்கள் இந்திரா, பாலு, ஆன்மிக சொற்பொழிவாளா் தனஞ்செயன், நூலகா் வாசகா் வட்ட கெளரவத் தலைவா் முருகமணி, வாசகா் வட்ட துணைத் தலைவா் அப்துல்வாகித், ஓய்வுபெற்ற கல்வி அதிகாரி மாணிக்கம், நூலகா் தமிழ்ச்செல்வி உள்ளிட்ட பலா் கலந்து கொண்டனா்.

நிகழ்ச்சியில் திமுக நகரச் செயலா் அன்பழகன், எம்எல்ஏ கிரி முன்னிலையில் ரூ.10 ஆயிரம் செலுத்தி செங்கம் நூலகத்தில் புரவலராக இணைந்தாா். மேலும் பள்ளி மாணவா்கள் வாசகராக இணைந்தனா்.

நிறைவில் அரசுப் பள்ளி தலைமை ஆசிரியா் கோபி நன்றி கூறினாா்.