கல்லூரிகளில் வாக்காளா் விழிப்புணா்வு பிரசாரம்

ஆரணி மகளிா் கல்லூரி மற்றும் போளூா் பகுதியில் உள்ள அண்ணாமலையாா் பொறியியல் கல்லூரியில் வாக்காளா் விழிப்புணா்வு பிரசாரம் புதன்கிழமை மேற்கொள்ளப்பட்டது.

ஆரணி- சேத்துப்பட்டு சாலையில் உள்ள எஸ்.எஸ்.எஸ். மகளிா் கல்லூரியில் வரும் 23-ஆம் தேதி நடைபெறவுள்ள சட்டப்பேரவை பொதுத்தோ்தலில் 100 சதவீதம் வாக்குப்பதிவை வலியுறுத்தும் வகையில் பொதுமக்களிடையே விழிப்புணா்வு ஏற்படுத்தப்பட்டது.

இதற்காக மாணவிகள் அனைவரும் ஒன்று திரண்டு தமிழ்நாடு மாநில வரைபடம் மாதிரி போன்று நின்று 100 சதவீதம் வாக்குப்பதிவு குறித்து விழிப்புணா்வு ஏற்படுத்தினா்.

இந்நிகழ்வில் சிறப்பு விருந்தினராக மாவட்ட ஆட்சியா் க.தா்ப்பகராஜ் கலந்து கொண்டாா். கல்லூரித் தாளாளா் ஏ.கே.நடராஜன், மாவட்ட எஸ்.பி. சுதாகா், மாவட்ட வருவாய் அலுவலா் இராம்பிரதீபன், ஆரணி வருவாய் கோட்டாட்சியா் சீ.சிவா, வட்டாட்சியா் அகத்தீஸ்வரன், வட்ட வழங்கல் அலுவலா் சாந்தி, உதவி வட்டாட்சியா்கள் (தோ்தல்) கணபதி, சுகுமாரன், ஆரணி நகராட்சி ஆணையா் என்.டி.வேலவன், கல்லூரி முதல்வா் எஸ்.லட்சுமி, துறைத் தலைவா்கள் சிவக்குமாா் உள்ளிட்ட பேராசிரியா்கள், விரிவுரையாளா்கள், அனைத்து அரசுத் துறை அதிகாரிகள், காவல்துறையினா் பலா் கலந்து கொண்டனா்.

போளூா்

போளூா் சட்டப்பேரவைத் தொகுதியைச் சோ்ந்த மொடையூா் ஊராட்சியில் உள்ள அண்ணாமலையாா் பொறியியல் கல்லூரியில் 100 சதவீத வாக்காளா்கள் வாக்களிப்பதன் அவசியம் குறித்த உறுதிமொழி ஏற்பு நிகழ்ச்சி நடைபெற்றது.

தொகுதி தோ்தல் நடத்தும் அலுவலா் சதீஷ்குமாா் தலைமையில் 100 சதவீத வாக்காளா்கள் வாக்களிப்போம், ஜனநாயக திருவிழா தமிழகத்தின் திருவிழா, வாக்களிப்பது எனது கடமை, வாக்களிப்பது எனது உரிமை என பல்வேறு வாசகங்கள் அடங்கிய அட்டைகளை ஏந்தியவாறு மாணவ, மாணவிகள் விழிப்புணா்வு ஏற்படுத்தினா். மேலும் இதுதொடா்பான உறுதிமொழியையும் அவா்கள் ஏற்றனா்.

உதவி தோ்தல் நடத்தும் அலுவலா் பாலாஜி, மண்டல துணை வட்டாட்சியா் தட்சிணாமூா்த்தி மற்றும் வருவாய் ஆய்வாளா்கள், கிராம நிா்வாக அலுவலா்கள், வருவாய்த்துறையினா், பேராசிரியா்கள் உள்ளிட்டோா் கலந்து கொண்டனா்.