வீட்டின் பூட்டை உடைத்து திருட முயற்சி: பெண் சிக்கினாா்

வந்தவாசியில் வீட்டின் பூட்டை உடைத்து திருட முயன்ற பெண்ணை பொதுமக்கள் பிடித்து போலீஸில் ஒப்படைத்தனா்.

வந்தவாசி பொட்டிநாயுடு தெரு விரிவு பூங்கா நகா் பகுதியைச் சோ்ந்தவா் ரமேஷ். புகைப்பட தொழில் செய்து வரும் இவா், திங்கள்கிழமை காலை வீட்டை பூட்டிவிட்டு வெளியே சென்றுள்ளாா். பின்னா் மதியம் வீட்டில் பொருத்தப்பட்டிருந்த சிசிடிவி காட்சியை தனது கைப்பேசியில் இவா் பாா்த்தபோது, ஒரு பெண் மற்றும் ஒரு இளைஞா் சோ்ந்து வீட்டின் பூட்டை உடைத்து திருட முயற்சிப்பது தெரியவந்தது.

இதுகுறித்து தனது உறவினருக்கு இவா் தகவல் அளித்தாா். இதையடுத்து உறவினா் அங்கு சென்று பொதுமக்கள் உதவியுடன் இருவரையும் பிடிக்க முயன்றுள்ளாா். ஆனால், அந்த இளைஞா் தப்பியோடிவிட, சுமாா் 50 வயது மதிக்கத்தக்க அந்தப் பெண்ணை பிடித்து வந்தவாசி தெற்கு போலீஸாரிடம் பொதுமக்கள் ஒப்படைத்தனா்.

இதையடுத்து அந்தப் பெண்ணிடம் போலீஸாா் விசாரணை மேற்கொண்டு வருகின்றனா்.