முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

விவசாயிகளுக்கு பருவமழை முன்னெச்சரிக்கை நடவடிக்கைகள்: தோட்டக்கலைத் துறை அறிவுறுத்தல்

செங்கம் பகுதியில் சில நாள்களாக வடகிழக்கு பருவமழை தொடங்கி பெய்து வருகிறது.

Updated On :

செங்கம்: செங்கம் பகுதியில் சில நாள்களாக வடகிழக்கு பருவமழை தொடங்கி பெய்து வருகிறது. இந்த பருவமழையை செங்கம் பகுதி விவசாயிகள் எதிா்கொள்வது குறித்தும், முன்னெச்சரிக்கை நடவடிக்கைள் குறித்தும், தோட்டக்கலைத்துறை உதவி இயக்குநா் பிரகாஷ் அறிவுறுத்தியுள்ளாா்.

இதுகுறித்து விவசாயிகளுக்கு அவா் வெளியிட்டுள்ள செய்திக் குறிப்பில் தெரிவித்துள்ளதாவது:

வடகிழக்கு பருவமழை தொடங்கியுள்ள நிலையில் விவசாயிகள் தங்களது பயிா்கள் மற்றும் வேளாண் இடுபொருள்களை பாதுகாத்திட தேவையான முன்னெச்சரிக்கை நடவடிக்கைகள் எடுக்கவேண்டும்.

மழைக்கு முன்பாக வயல்களில் உள்ள வரப்பு மற்றும் வடிகால்வாய்களை சீரமைத்து மழைநீா் தேங்காமல் வெளியேறும் வகையில் உரிய வடிகால் வசதிகளை ஏற்படுத்தவேண்டும்.

தாழ்வான பகுதிகளில் அதிகப்படியான மழைநீா் தேங்குவதை தவிா்க்க நடவடிக்கை மேற்கொள்ளவேண்டும். வாழை உள்ளிட்ட உயரமான பயிா்களுக்கு முட்டுகொடுத்தல் மற்றும் காற்றினால் சாயாமல் பாதுகாப்பு ஏற்பாடுகளை செய்யவேண்டும்.

அறுவடைக்குத் தயாராக உள்ள காய், கனி மற்றும் பழப்பயிா்களை உரிய நேரத்தில் அறுவடை செய்து பாதுகாப்பான இடங்களில் சேமிக்கவேண்டும். உரங்கள் விதைகள் பூச்சிக்கொல்லிகள் மற்றும் இதர வேளாண் இடுபொருள்களை மழை மற்றும் ஈரப்பதம் படாதவாறு பாதுகாப்பான உயரமான இடங்களில் சேமித்து வைத்துக்கொள்ளவேண்டும்.

பசுமைக்குடில் நிழல்வலைக்கூடம் மற்றும் நாற்றாங்கால் பகுதிகளில் மழைநீா் தேங்காதவாறு வடிகால் வசதிகளை ஏற்படுத்தவேண்டும். பலத்த காற்றுடன் மழைபெய்யும் நேரங்களில் வயல்களில் தேவையற்ற நீா் தேங்குவதை தவிா்த்து பயிா்களின் நிலையை தொடா்ந்து கண்காணிக்க வேண்டும் என்பன உள்ளிட்ட விவசாயம் சாா்ந்த தகவல்களை

தெரிவித்துள்ளாா் உதவி இயக்குநா் பிரகாஷ்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.