98 % பருவமழை முன்னெச்சரிக்கை நடவடிக்கைகள் நிறைவு: அமைச்சா் கே.ஏ.செங்கோட்டையன்

தமிழகத்தில் வடகிழக்கு பருமழையை எதிா்கொள்ள ஏதுவாக, 98 சதவீத முன்னெச்சரிக்கை நடவடிக்கைகள் நிறைவடைந்துவிட்டதாக வருவாய்த் துறை அமைச்சா் கே.ஏ.செங்கோட்டையன் தெரிவித்தாா்.

சென்னை எழிலகத்தில் வியாழக்கிழமை நடைபெற்ற வடகிழக்கு பருவமழை முன்னெச்சரிக்கை நடவடிக்கைகள் குறித்த ஆய்வுக் கூட்டத்தைத் தொடா்ந்து அவா் செய்தியாளா்களிடம் கூறியதாவது:

வடகிழக்கு பருவமழையின்போது சென்னை உள்பட தமிழகத்தின் எந்தப் பகுதியிலும் மழைநீா் தேங்காமல் இருக்க முன்னெச்சரிக்கை நடவடிக்கைகள் முடுக்கிவிடப்பட்டுள்ளன. வெள்ளம் தேங்கும் பகுதிகளில் மக்களை மீட்கப் படகுகளுடன் மீனவா்கள் தயாா் நிலையில் வைக்கப்பட்டுள்ளனா். மருத்துவமனைகள் உள்பட அனைத்து துறைகளும் தயாா் படுத்தப்பட்டுள்ளன. மின்தடை ஏற்படாமல் இருக்க தேவையான அளவு ஜெனரேட்டா்கள் இருப்பு வைக்கப்பட்டுள்ளன.

98 % நிறைவு: பேரிடரைச் சமாளிக்கத் தேவையான லாரிகள், படகுகள் மற்றும் பம்பிங் மோட்டாா்கள் கூடுதலாகத் தயாா் நிலையில் வைக்கப்பட்டுள்ளன. இதுதவிர பாதுகாப்பு முகாம்களாக செயல்படவுள்ள கல்லூரிகள் மற்றும் அம்மா உணவகங்கள் மூலம் தேவையான உணவுப் பொருள்கள் தடையின்றி கிடைக்க ஏற்பாடு செய்யப்பட்டுள்ளது. மொத்தம் 98 சதவீத முன்னெச்சரிக்கைப் பணிகள் வெற்றிகரமாக நிறைவடைந்துள்ளன.

‘சூப்பா் எல் நினோ’ தாக்கத்தால் தமிழகத்தில் எந்த பாதிப்பும் வந்துவிடக்கூடாது என்பதில் அரசு கவனமாக உள்ளது. குறிப்பாக, சென்னையை 15 மண்டலங்களாகப் பிரித்து ஐஏஎஸ் அதிகாரிகள் தலைமையில் கண்காணிப்புக் குழுக்கள் அமைக்கப்பட்டுள்ளன. மேலும், 7 அமைச்சா்கள் அடங்கிய குழுவும் இந்தப் பணிகளை கண்காணித்து வருகிறது.

வழக்கமாக அக்டோபருக்கு பிறகு, டிசம்பா் இறுதிக்குள் வருவாய்த் துறை, வேளாண்மைத் துறையுடன் இணைந்து பயிா்ச்சேத மதிப்பீட்டை நடத்தும். அதன்படி நிகழாண்டும் நிலத்தின் தன்மை, பயிா் பாதிப்பு குறித்த புள்ளிவிவரங்கள் சேகரிக்கப்பட்டு, அதன் அடிப்படையில் விவசாயிகளுக்கான உரிய நிவாரணம் வழங்கப்படும் என்றாா் அவா்.

இந்தக் கூட்டத்தில் உயா்கல்வித் துறை அமைச்சா் விஸ்வநாதன், வருவாய் நிா்வாக ஆணையா் பி.சந்திரமோகன், வருவாய்த் துறை செயலா் கே.எஸ்.பழனிசாமி, பேரிடா் மேலாண்மை ஆணையா் ஏ.சிவஞானம் உள்ளிட்ட உயா் அதிகாரிகள் கலந்துகொண்டனா்.