அம்மன் கோயில்களில் நவராத்திரி விழா

திருவண்ணாமலை மாவட்டத்தின் பல்வேறு பகுதிகளில் அமைந்துள்ள அம்மன் கோயில்களில் நவராத்திரி விழா நடைபெற்று வருகிறது.

போளூரை அடுத்த படவேடு ஊராட்சியில் புகழ்பெற்ற ஸ்ரீரேணுகாம்பாள் கோயில் அமைந்துள்ளது. இந்தக் கோயிலில் நவராத்திரி முதல் நாள் விழாவையொட்டி, ஞாயிற்றுக்கிழமை அதிகாலை அம்மனுக்கு சிறப்பு அபிஷேகம், ஆராதனை நடைபெற்றது. தொடா்ந்து, ஸ்ரீரேணுகாம்பாளுக்கு சிறப்பு பூஜை செய்து வழிபாடு செய்தனா். மாலை உற்சவ அம்மனுக்குகு சிறப்பு அபிஷேகம், ஆராதனை செய்து, பாா்வதி அலங்காரம் செய்யப்பட்டு அருள்பாலித்தாா். இதில், ஏராளமான பக்தா்கள் கலந்துகொண்டு தரிசித்தனா்.

ஆரணியில்...: ஆரணி கொசப்பாளையம் ஸ்ரீபாஞ்சாலி அம்மன் சமேத தா்மராஜா கோயிலில் நவராத்திரி முதல் நாள் விழா ஞாயிற்றுக்கிழமை இரவு நடைபெற்றது.

இந்த விழாவில் சுவாமிக்கு ராதா ருக்மணி ஸ்ரீவேணுகோபாலசாமி அலங்காரம் செய்யப்பட்டு, சிறப்பு பூஜை நடைபெற்றது. இதில், அதிமுக முன்னாள் அமைச்சா் சேவூா் எஸ்.ராமச்சந்திரன், தவெக மாவட்டச் செயலா் சத்யா, ஜி.ஏ.கோகுலகிருஷ்ணன் ஆகியோா் கலந்துகொண்டு வழிபட்டனா்.

இதில், அதிமுக நகர செயலா் அசோக்குமாா், முன்னாள் ஊராட்சித் தலைவா் என்.வாசு, அதிமுக நிா்வாகி பீமன் (எ) ரவி உள்ளிட்ட பலா் கலந்துகொண்டனா். ஏற்பாடுகளை தா்மராஜா கோயில் அறக்கட்டளை நிா்வாக தலைவா் கப்பல் இ.கங்காதரன், வழக்குரைஞா் ரேணுகா கங்காதரன் மற்றும் கோயில் நிா்வாகிகள் செய்திருந்தனா்.

வந்தவாசி சந்நிதி தெருவில் உள்ள ஸ்ரீகாளி (எ) காமாட்சி அம்மன் கோயிலில் நவராத்திரி உற்சவத்தின் 2-ஆம் நாளான திங்கள்கிழமை சிறப்பு அலங்காரத்தில் பக்தா்களுக்கு அருள்பாளித்த அம்மன்.

இதேபோல, வந்தவாசி சந்நிதி தெருவில் உள்ள ஸ்ரீகாளி (எ) காமாட்சி அம்மன் கோயிலில் நவராத்திரி உற்சவத்தின் 2-ஆம் நாளான திங்கள்கிழமை சிறப்பு அலங்காரத்தில் பக்தா்களுக்கு அம்மன் அருள்பாளித்தாா்.