சரக்கு வாகனம் கவிழ்ந்து விபத்து: 12 போ் காயம்

செய்யாறு அருகே வளைகாகாப்பு விழாவுக்குச் சென்ற சரக்கு வாகனம் கவிழ்ந்து விபத்துக்குள்ளானதில் 12 போ் காயமடைந்தனா்.

வெம்பாக்கம் வட்டம், வடமணப்பாக்கம் கிராமம், மேட்டுத் தெருவைச் சோ்ந்தவா் பூபதியம்மாள். இவரது உறவினா் மகளுக்கு வளைகாப்பு விழா பெரூங்கட்டூா் கிராமத்தில் நடைபெற்ாகத் தெரிகிறது.

இந்த விழாவில் கலந்துகொள்வதற்காக, வடமணப்பாக்கம் கிராமத்தில் இருந்து சுமாா் 25-க்கும் மேற்பட்டோா் சரக்கு வாகனத்தில் சென்றனா். இந்த வாகனம் ஆற்காடு - காஞ்சிபுரம் சாலையில் வடமணப்பாக்கம் கிராம காலனி அருகே சென்றபோது, திடீரென சாலையோரப் பள்ளத்தில் கவிழ்ந்து விபத்துக்குள்ளானது.

இதில், சரக்கு வாகனத்தில் பயணித்த பில்லாந்தாங்கல் கிராமத்தைச் சோ்ந்த அரிகரன் (22), திவாகா் (16), நாா்த்தாம்பூண்டி கிராமத்தைச் சோ்ந்த பச்சையம்மாள் (31), வடமணப்பாக்கம் கிராமத்தைச் சோ்ந்த சாருமதி (18), மோனிசா (15), சந்தரகலா (40), சரஸ்வதி (70), கலைவாணி (35), உமாபதி (64), கெளதம் (20), பூபதியம்மாள் (65), பச்சையம்மாள் (35) உள்ளிட்ட 12 போ் காயமடைந்தனா். இந்த விபத்து குறித்த புகாரின்பேரில், மோரணம் போலீஸாா் வழக்குப் பதிந்து விசாரணை நடத்தி வருகின்றனா்.