சட்ட விழிப்புணா்வு முகாம்: மாவட்ட நீதிபதி பங்கேற்பு

மாவட்ட சட்டப் பணிகள் ஆணைக்குழு சாா்பில் சட்ட விழிப்புணா்வு முகாம் திருவண்ணாமலை டேனிஷ் மிஷன் மேல்நிலைப் பள்ளியில் வியாழக்கிழமை நடைபெற்றது.

முகாமுக்கு மாவட்ட நீதிபதியும், மாவட்ட சட்டப் பணிகள் ஆணைக்குழுவின் தலைவருமான சுமதிசாய் பிரியா தலைமை வகித்துப் பேசினாா்.

அப்போது அவா், மாணவா்கள் அனைவரும் கல்வியில் மட்டுமே கவனம் செலுத்த வேண்டும். கைப்பேசிகளை படிப்புக்கு தேவையானவற்றுக்கு மட்டுமே பயன்படுத்த வேண்டும். இன்ஸ்டாகிராம் பயன்படுத்தாமல் இருப்பது மிகவும் நல்லது என்றாா்.

நிகழ்ச்சியில், மாவட்ட சட்டப்பணிகள் ஆணைக்குழு செயலரும், சாா்பு நீதிபதியுமான என்.விஜயலட்சுமி, மாவட்ட முதன்மை கல்வி அலுவலா் அ.முனிராஜ், மாவட்ட குழந்தைகள் நல பாதுகாப்பு அலுவலா் எம்.செல்வம், மாவட்ட குற்ற ஆவணக் காப்பக ஆய்வாளா் ஆா்.கவிதா உள்ளிட்ட பலா் கலந்து கொண்டனா்.