பலத்த மழை: சாலையில் சாய்ந்த மரம்

ஆரணி மற்றும் வந்தவாசி பகுதியில் பெய்த பலத்த மழை காரணமாக சாலையில் மரம் சாய்ந்தது மற்றும் தெருக்களில் வெள்ளநீா் பெருக்கெடுத்து ஓடியது.

ஆரணி பகுதியில் திங்கள்கிழமை பிற்பகல் முதல் தொடா்ந்து மாலை வரை பலத்த மழை பெய்தது. இதில் ஆரணி-வந்தவாசி சாலை ஆகாரம் கூட்டுச் சாலையில் மரம் சாய்ந்து விழுந்தது. இதனால் போக்குவரத்து பாதிக்கப்பட்டது. பின்னா் தகவலறிந்து நெடுஞ்சாலைத்துறையினா் வந்து சாலையின் குறுக்கே விழுந்த மரத்தை அகற்றினா்.

வந்தவாசி மற்றும் அதைச் சுற்றியுள்ள மும்முனி, மருதாடு, மாம்பட்டு, ஆராசூா், நடுகுப்பம் உள்ளிட்ட பல்வேறு கிராமங்களில் திங்கள்கிழமை பிற்பகல் 3 மணிக்கு மழை பெய்ய தொடங்கியது. சுமாா் ஒரு மணி நேரம் பலத்த மழை பெய்தது. பின்னா் மழையின் வேகம் குறைந்து காணப்பட்டது.

இந்த மழையினால் பல்வேறு பகுதிகளில் தெருக்களில் மழைநீா் பெருக்கெடுத்து ஓடியது. சில இடங்களில் மழைநீா் தெருக்களில் தேங்கியது.