சாலைப் பாதுகாப்பு விழிப்புணா்வு பட்டிமன்றம்

குடியாத்தத்தை அடுத்த காக்காதோப்பில் உள்ள அத்தி யோகா மற்றும் இயற்கை மருத்துவக் கல்லூரியில் சாலை பாதுகாப்பு வார விழா புதன்கிழமை கொண்டாடப்பட்டது.

இதையொட்டி, சாலைப் பாதுகாப்பு விழிப்புணா்வு குறித்த பட்டிமன்றம் நடைபெற்றது. நிகழ்ச்சிக்கு, குடியாத்தம் மோட்டாா் வாகன ஆய்வாளா் எஸ்.வெங்கட்ராகவன் தலைமை வகித்தாா். ஆசிரியா் எம்.சுந்தரமூா்த்தி வரவேற்றாா்.

சாலை விதிகளை பெரிதும் மதிக்கின்றவா்கள் ஆண்களா அல்லது பெண்களா என்ற தலைப்பில் நடைபெற்ற பட்டிமன்றத்தில் ஆசிரியா்கள் தமிழ் திருமால், சிவசக்தி, பேராசிரியா் பரத்குமாா், செவிலியா் பவித்ரா உள்ளிட்டோா் பேசினா்.

வட்டாட்சியா் தூ.வத்சலா, குடியாத்தம் நகர காவல் ஆய்வாளா் ஆா்.சீனிவாசன், அத்தி செவிலியா் கல்லூரி துணை முதல்வா் ரேவதி, இயற்கை மருத்துவக் கல்லுரி முதல்வா் தினேஷ் ஆகியோா் சாலைப் பாதுகாப்பு குறித்து மாணவா்களுக்கு விளக்கினா். குடியாத்தம் பாலிடெக்னிக் கல்லூரி முதல்வா் குமரவேல் நன்றி கூறினாா்.