ரத்த சோகை விழிப்புணா்வு பிரசார வாகனம் தொடக்கம்

ரத்த சோகை குறித்து விழிப்புணா்வு ஏற்படுத்தும் பிரசார வாகனத்தை வேலூா் எம்.பி. டி.எம்.கதிா்ஆனந்த் வியாழக்கிழமை கொடியசைத்து தொடக்கி வைத்தாா்.

தேசிய குடும்ப சுகாதார கணக்கெடுப்பின்படி, தமிழகத்தில் 6 மாதம் முதல் 59 மாத குழந்தைகளில் 57.4 சதவீதத்தினரும், கா்ப்பிணிகளில் 48.3 சதவீதம் பேரும் ரத்த சோகையால் பாதிக்கப்பட்டுள்ளனா். அதாவது, இரண்டு பெண்களில் ஒருவா் ரத்த சோகையால் பாதிக்கப்பட்டுள்ளாா். 19 சதவீத கா்ப்பிணிகளின் மரணத்துக்கு ரத்த சோகையே காரணமாக உள்ளது. எனவே, ஒருங்கிணைந்த குழந்தை வளா்ச்சித் திட்டத்தின் கீழ் ரத்த சோகையைக் கட்டுப்படுத்த மேற்கொள்ள வேண்டிய நடவடிக்கைகள் குறித்து வியாழக்கிழமை முதல் வரும் நவம்பா் 30-ஆம் தேதி வரை விழிப்புணா்வு ஏற்படுத்த திட்டமிடப்பட்டுள்ளது.

இதையொட்டி, வேலூா் மாவட்டத்தில் உள்ள அனைத்து வட்டாரங்களிலும் விழிப்புணா்வை ஏற்படுத்தும் விதமாக பிரசார வாகனத்தை வேலூா் எம்.பி. டி.எம்.கதிா்ஆனந்த் கொடியசைத்து தொடக்கி வைத்தாா்.

ஒருங்கிணைந்த குழந்தை வளா்ச்சி திட்டத்தின் கீழ் வேலூா் மாவட்டத்தில் 1,075 அங்கன்வாடி மையங்கள் உள்ளன. இந்த அங்கன்வாடி மையங்கள், மக்கள் கூடும் இடங்களில் ரத்த சோகை, தன் சுத்தம், குடற்புழு நீக்கம், கைகழுவுதல் நோக்கம் குறித்து இந்த பிரசார வாகனம் மூலம் விழிப்புணா்வு ஏற்படுத்தப்பட உள்ளதாகத் தெரிவிக்கப்பட்டது.

நிகழ்ச்சியில் மாவட்ட வருவாய் அலுவலா் கே.ராமமூா்த்தி, குடியாத்தம் எம்எல்ஏ அமலுவிஜயன், வேலூா் மாநகராட்சி துணை மேயா் எம்.சுனில்குமாா், குழந்தைகள் வளா்ச்சித் திட்ட அலுவலா்கள் கலந்து கொண்டனா்.