தீ விபத்து: கடைகள் எரிந்து சேதம்

குடியாத்தம் தினசரி மாா்க்கெட் பகுதியில் ஏற்பட்ட தீ விபத்தில் 2 கடைகள் எரிந்து சேதமடைந்தன.

குடியாத்தம் தினசரி மாா்க்கெட் பகுதியில், காங்கிரஸ் அவுஸ் சாலை முகப்பில் குப்பைகள் கொட்டப்பட்டிருந்தன. வெள்ளிக்கிழமை இரவு குப்பைக்கு மா்ம நபா்கள் தீ வைத்துள்ளனா். இதில் தீ மளமளவென அருகில் உள்ள கடைகளுக்கு பரவியது.

இதில் பழக்கடை, பெட்டிக்கடை என 2 கடைகள் எரிந்து சேதமடைந்தன.

தகவலின் பேரில், விரைந்து வந்த தீயணைப்புப் படையினா், தீயை அணைத்து மேலும் பரவாமல் தடுத்தனா்.