பட்டா மாறுதலுக்கு அனுமதி பெற்ற 144 இ-சேவை மையங்களில் விண்ணப்பிக்கலாம்

வேலூா்: இணைய வழி பட்டா, உட்பிரிவு மாற்றம் தொடா்பாக அனுமதி பெற்ற இ-சேவை மையங்களில் விண்ணப்பித்து பயன்பெறளாம் என்று வேலூா் மாவட்ட ஆட்சியா் வி.ஆா்.சுப்புலட்சுமி தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு -

வேலூா் மாவட்டத்தில் இ-சேவை மையங்கள் மூலம் இணைய வழி பட்டா மாற்றம், உட்பிரிவு மாற்றம் தொடா்பான மனுக்களை விண்ணப்பம் செய்ய தமிழ்நாடு அரசு கேபிள் நிறுவனம், தொடக்க வேளாண்மை கூட்டுறவு நிறுவனங்கள், மகளிா் திட்டம், தமிழ்நாடு அரசு கேபிள் நிறுவனம் மூலம் அனுமதி வழங்கப்பட்ட இ-சேவை மையங்கள் ஆகிய சுமாா் 144 அனுமதிபெற்ற இ-சேவை மையங்கள் இயங்கி வருகிறது.

எனவே, பொதுமக்கள் தங்கள் வீட்டுக்கு அருகிலுள்ள இ-சேவை மையங்களிலேயே பட்டா மாற்றம், உட்பிரிவு மாற்றம் தொடா்பான விண்ணப்பங்களை அளித்து பயன்பெறலாம். வட்டாட்சியா் அலுவலகங்களில் இயங்கி வரும் இ- சேவை மையத்தை மட்டும் நாட வேண்டிய அவசியம் இல்லை எனத் தெரிவிக்கப்பட்டுள்ளது.