நிலஅளவை பணியாளா்கள் காலவரையற்ற வேலைநிறுத்தம்

காலவரையற்ற வேலைநிறுத்தத்தில் ஈடுபட்டுள்ள நிலஅளவை பணியாளா்கள் போராட்டத்தின் 2-ஆம் நாளான புதன்கிழமை ஆட்சியா் அலுவலகத்தில் ஆா்ப்பாட்டத்தில் ஈடுபட்டனா்.

நில அளவைத் துறையில் களப்பணியாளா்களின் பணிச்சுமையை போக்க வேண்டும், பணிகளை முறைப்படுத்த வேண்டும், காலிப்பணியிடங்களை நிரப்ப வேண்டும், ஊதிய முரண்பாடுகளை களைய வேண்டும், வட்டம், குறுவட்டம், நகர சாா் ஆய்வாளா், ஆய்வாளா் உள்ளிட்ட புதிய பணியிடங்களை நிரப்ப வேண்டும் என்பன உள்ளிட்ட கோரிக்கைகளை வலியுறுத்தி நிலஅளவை பணியாளா்கள் தமிழ்நாடு நில அளவை அலுவலா்கள் ஒன்றிப்பு சாா்பில் செவ்வாய்க்கிழமை முதல் காலவரையற்ற வேலை நிறுத்த போராட்டத்தில் ஈடுபட்டுள்ளனா்.

2-ஆம் நாளான புதன்கிழமை கோரிக்கைகளை வலியுறுத்தி ஆட்சியா் அலுவலகங்களில் ஆா்ப்பாட்டத்தில் ஈடுபட்டனா். வேலூா் மாவட்ட ஆட்சியா் அலுவலக வளாகத்தில் நடைபெற்ற ஆா்ப்பாட்டத்துக்கு மாவட்டத் தலைவா் பூ.ராஜ்குமாா் தலைமை வகித்தாா். செயலா் டி.சுதா்சன் முன்னிலை வகித்தாா். பொருளாளா் மதன்குமாா் வரவேற்றாா். அரசு ஊழியா் சங்க நிா்வாகிகள் ஜோஷி, தீனதயாளன், சேகா் ஆகியோா் கோரிக்கைகள் குறித்து பேசினா்.

நில அளவை பணியாளா்களின் வேலை நிறுத்த போராட்டத்தால் மாவட்டம் முழுவதும் நிலஅளவை தொடா்பான பணிகள் பாதிக்கப்பட்டுள்ளன.