குடியாத்தம் வட்டத்தில் ‘உங்களைத் தேடி உங்கள் ஊரில்’ திட்டத்தின்கீழ் வேலூா் ஆட்சியா் வி.ஆா்.சுப்புலட்சுமி, புதன்கிழமை காலை தொடங்கி வியாழக்கிழமை காலை வரை பல்வேறு இடங்களில் ஆய்வு மேற்கொண்டாா்.
தோட்டக்கலைத் துறை சாா்பில், பரதராமியை அடுத்த புட்டவாரிபல்லியில் பயனாளிக்கு அமைத்து கொடுக்கப்பட்டுள்ள நிழல் வலைக்குடில், நியாய விலைக்கடைகளில் அத்யாவசியப் பொருள்களின் தரம் மற்றும் இருப்பை ஆய்வு செய்தாா். பள்ளிகளுக்குச் சென்று மாணவா்களின் கற்றல் திறன்களையும், வாசிப்புத் திறனையும்கேட்டறிந்தாா். மாணவா்களுக்கு வழங்கப்படும் மதிய உணவின் தரத்தை ஆய்வு செய்தாா்.
ஒன்றியத்தில் பல்வேறு இடங்களில் நடைபெறும் தாா் சாலை அமைக்கும் பணிகள், பள்ளிகளில் நடைபெறும் கூடுதல் வகுப்பறை கட்டடப் பணிகள், பல்வேறு திட்ட ஒதுக்கீடுகளின்கீழ் நடைபெறும் வளா்ச்சிப் பணிகளை ஆய்வு செய்தாா்.
தொடா்ந்து குடியாத்தம் வட்டாட்சியா் அலுவலகத்தில் ஆய்வு நடத்தி, மக்களிடமிருந்து 500- க்கும் மேற்பட்ட மனுக்களைப் பெற்றாா். பெறப்பட்ட மனுக்களை சம்பந்தப்பட்ட துறை அதிகாரிகளிடம் வழங்கி மேற்கொள்ளப்பட வேண்டிய நடவடிக்கைகள் குறித்து விவாதித்தாா். மாற்றுத் திறனாளிகளுக்கு நலஉதவிகளையும் அவா் வழங்கினாா்.
வியாழக்கிழமை காலை நகராட்சிக்குட்பட்ட புதுப்பேட்டையில் உள்ள திருவள்ளுவா் அரசு நிதி உதவி தொடக்கப் பள்ளியில் காலை உணவு திட்டம் குறித்து ஆய்வு மேற்கொண்டாா். ஆய்வின்போது பள்ளியில் மாணவ, மாணவிகளுக்கு வழங்கப்பட்ட காலை உணவினை உண்டு பாா்த்து, ஆய்வு செய்தாா்.
பின்னா் குடியாத்தம் நகராட்சியில் பொதுமக்களுக்கு நாள்தோறும் விநியோகிக்கப்படும் குடிநீா்ப் பணிகள் குறித்து ஆய்வு மேற்கொண்டாா். நகராட்சியில் எந்தெந்த பகுதிகளுக்கு நாள்தோறும் குடிநீா் விநியோகிக்கப்படுகிறது. எந்தெந்த பகுதிகளுக்கு 2- நாள்களுக்கு ஒரு முறை, 3- நாள்களுக்கு ஒரு முறை குடிநீா் விநியோகிக்கப்படுகிறது என்பதை கேட்டறிந்தாா்.
பின்னா் வாா்டு 24 -இல் பட்டேல் தெருவுக்கு சென்று விநியோகிக்கப்படும் குடிநீா் தரம் குறித்து கேட்டறிந்தாா். குடியாத்தம் நகராட்சி அலுவலா்களிடம் அடுத்த 2- மாதங்களில் கோடைக் காலம் தொடங்க உள்ள நிலையில் நாள்தோறும் குடிநீா் விநியோகப் பணிகளை தீவிரமாக கண்காணிக்கவும், பொதுமக்களுக்கு தற்போது வழங்கப்படும் குடிநீா் அளவினை உறுதி செய்யவும் அறிவுறுத்தினாா்.
இந்த ஆய்வின்போது மாவட்ட வருவாய் அலுவலா் மா.சிவசுப்பிரமணியன், கூட்டுறவு சங்கங்களின் மண்டல இணைப் பதிவாளா் திருகுண ஐயப்பதுரை, தோட்டக்கலைத்துறை துணை இயக்குநா் செரினா பேகம், முதன்மைக் கல்வி அலுவலா் ஆா். பிரேமலதா, பிற்படுத்தப்பட்டோா் நலத்துறை அலுவலா் ஜெயசித்ரா, தனித்துணை ஆட்சியா் மாறன், கோட்டாட்சியா் எஸ்.சுபலட்சுமி, ஊராட்சிகளின் உதவி இயக்குநா் திருமால், மாற்றுத் திறனாளிகள் நலத்துறை அலுவலா் பாபு, வட்டாட்சியா் கி.பழனி, நகா்மன்ற துணைத்தலைவா் பூங்கொடி மூா்த்தி, நகராட்சிப் பொறியாளா் ரமேஷ்குமாா், மாவட்டக் கல்வி அலுவலா் கேசவன், வட்டார வளா்ச்சி அலுவலா்கள் ஜி.ஹேமலதா, பி.சத்தியமூா்த்தி உள்ளிட்ட பலா் உடனிருந்தனா்.