மர்மக் காய்ச்சலுக்கு குழந்தை பலி

பொள்ளாச்சி அருகே வேட்டைக்காரன்புதூர் அரசு மருத்துவமனையில் மர்மக் காய்ச்சலால் பாதிக்கப்பட்ட 6 வயது ஆண் குழந்தை திங்கள்கிழமை உயிரிழந்தது.

வேட்டைக்காரன்புதூர் மீனாட்சிபுரம் வீதியைச் சேர்ந்தவர் சிலம்பரசன், தொழிலாளி. இவரது மகன் அஜய்குமார் (6) கடந்த இரண்டு நாள்களுக்கு முன்பு காய்ச்சலால் பாதிக்கப்பட்ட நிலையில், வேட்டைக்காரன்புதூர் அரசு மருத்துவமனையில் குழந்தையை சேர்ந்தனர்.

ஆனால், திங்கள்கிழமை அக்குழந்தை சிகிச்சை பலனின்றி உயிரிழந்தது. மர்மக் காய்ச்சலால் இக்குழந்தை இறந்ததாகத் தெரிகிறது. வேட்டைக்காரன்புதூர் அரசு மருத்துவமனையில் நோயாளிகளுக்கு முறையாக சிகிச்சை அளிக்கப்படுவதில்லை என பொதுமக்கள் புகார் தெரிவித்துள்ளனர்.