சோலையாறு அணை நிரம்புவதற்கு வாய்ப்புக் குறைவு

சாரல் மழை மட்டுமே பெய்து வருவதால் இந்த வருடம் வால்பாறையில் உள்ள சோலையாறு அணை நிரம்புவதற்கு வாய்ப்பு குறைந்துள்ளது.

வால்பாறை வட்டாரத்தில் கடந்த வருடம் ஜூன் மாதம் துவக்கத்தில் இருந்தே கனமழை பெய்ய துவங்கியதால், ஆகஸ்ட் மாதம் துவக்கத்தில் சோலையாறு அணை நிரம்பி இருந்தது. ஆனால், இந்த வருடம் மழை பொழிவுக் குறைந்து காணப்படுவதால் 145 அடியை எட்டிய அணையின் நீர்மட்டம் தற்போது கணிசமாகக் குறைந்துள்ளது.வெள்ளிக்கிழமை காலை நிலவரப்படி அணையின் நீர்மட்டம் 127 அடியாக இருந்தது. இருப்பினும் தற்போது வால்பாறையில் தொடர்ந்து சாரல் மழை மட்டுமே பெய்து வருவதால் இந்த வருடம் சோலையாறு அணை நிரம்புவதற்கு வாய்ப்புக் குறைவாகவே இருப்பதாக பொதுப்பணித் துறையினர் தெரிவித்துள்ளனர்.