சுல்தான்பேட்டையில் 8 ஆவது நாளாக விவசாயிகள் போராட்டம்

விளைநிலங்கள் வழியாக உயர் மின் கோபுரங்கள் அமைப்பதற்கு எதிர்ப்பு தெரிவித்து சூலூர் அருகே சுல்தான்பேட்டையில் 8 ஆவது நாளாக திங்கள்கிழமையும் விவசாயிகள் போராட்டத்தில் ஈடுபட்டனர்.
இக்கோரிக்கையை வலியுறுத்தி விவசாயிகளின் கூட்டமைப்பினர் காத்திருப்புப் போராட்டத்தை கடந்த டிசம்பர் 17 ஆம் தேதி துவக்கினர். அரசின் கவனத்தை ஈர்க்கும் வகையில் பல்வேறு நூதன வடிவங்களில் போராடி வரும் விவசாயிகள், கடந்த இரண்டு நாள்களாக 12 விவசாயிகள் காலவரையற்ற உண்ணாவிரதப் போராட்டத்தில் ஈடுபட்டு வருகின்றனர். 
இதைத் தொடர்ந்து செவ்வாய்க்கிழமை (டிசம்பர் 25) மொட்டையடித்துக் கொள்ளும் போராட்டத்தில் ஈடுபட உள்ளதாக விவசாய சங்கங்களின் கூட்டமைப்பின் சுல்தான்பேட்டை கள ஒருங்கிணைப்பாளர் கனகராஜ் தெரிவித்தார்.