பாதாளச் சாக்கடைப் பணிகள்: மாநகராட்சி ஆணையா் ஆய்வு

 கோவை மாநகராட்சி, கிழக்கு மண்டலத்தில் நடைபெற்று வரும் பாதாளச் சாக்கடைத் திட்டப் பணிகளை ஆணையா் ராஜகோபால் சுன்கரா வியாழக்கிழமை ஆய்வு மேற்கொண்டாா்.

கோவை மாநகராட்சி, 65ஆவது வாா்டுக்கு உள்பட்ட ராமநாதபுரம் சிக்னல் அருகில் பாதாளச் சாக்கடை அமைக்கும் பணி, பிரதான குழாய் அமைக்கும் பணி, சிங்காநல்லூா் 66 ஆவது வாா்டில் கழிவுநீா்த் தொட்டி அமைக்கும் பணி, 59ஆவது வாா்டில் கழிவுநீா்த் தொட்டியின் செயல்பாடுகள் ஆகியவற்றை மாநகராட்சி ஆணையா் ராஜகோபால் சுன்கரா வியாழக்கிழமை ஆய்வு மேற்கொண்டாா்.

அதைத் தொடா்ந்து, கழிவுநீா்ப் பண்ணையின் மூலம் சுத்திகரிக்கப்பட்ட நீரை , விவசாயத்துக்குப் பயன்படுத்துவதைப் பாா்வையிட்டாா்.

அதன் பிறகு, மணியகாரன்பாளையம் முதல் ஒண்டிப்புதூா் வரை பாதாளச் சாக்கடைத் திட்டத்தின் கீழ் குழாய்கள் அமைக்கப்பட்டு வரும் பணிகளைப் பாா்வையிட்டு ஆய்வு மேற்கொண்டாா்.

இந்த ஆய்வின்போது, மாநகரப் பொறியாளா்( பொ) ராமசாமி, கிழக்கு மண்டல உதவி ஆணையா் செந்தில்குமாா் ரத்தினம், நிா்வாகப் பொறியாளா் (பாதாளச் சாக்கடை திட்டம்) உமாதேவி உள்ளிட்டோா் உடனிருந்தனா்.