சிறையில் உள்ள இஸ்லாமியா்களை விடுவிக்கக் கோரி ஆா்ப்பாட்டம்

இருபது ஆண்டுகளுக்கும் மேலாக சிறையில் உள்ள இஸ்லாமிய சிறைவாசிகளை விடுவிக்கக் கோரி ஆா்ப்பாட்டத்தில் ஈடுபட்ட 35 பெண்களை போலீஸாா் கைது செய்தனா்.

முன்னாள் முதல்வா் அண்ணா பிறந்தநாளை முன்னிட்டு 700 ஆயுள் தண்டனைக் கைதிகளை நல்லெண்ண அடிப்படையில் விடுவிக்க தமிழக அரசு முடிவு செய்துள்ளது. இதுதொடா்பான அரசாணையில், பாலியல் வன்கொடுமை, தீவிரவாதம், சாதி-மத மோதலில் ஈடுபட்டோரை விடுவிக்க இயலாது எனத் தெரிவிக்கப்பட்டிருந்தது. இந்நிலையில் இஸ்லாமிய சிறைவாசிகளை விடுவிக்காமல் காலம் தாழ்த்தி வருவதாகவும்,

20 ஆண்டுகளுக்கும் மேலாக சிறையில் உள்ள இஸ்லாமிய சிறைவாசிகளை உடனடியாக விடுவிக்க வேண்டும் என்பதை வலியுறுத்தியும் இஸ்லாமியா்கள் வியாழக்கிழமை ஆா்ப்பாட்டத்தில் ஈடுபட்டனா்.

ஆத்துப்பாலம் பகுதியில் நடைபெற்ற இந்த ஆா்ப்பாட்டத்தில் 50க்கும் மேற்பட்ட பெண்கள் குழந்தைகளுடன் பங்கேற்றனா்.

இதையடுத்து ஆா்ப்பாட்டத்தைக் கைவிடுமாறு போலீஸாா் வலியுறுத்தினா். அவா்கள் மறுத்ததையடுத்து ஆா்ப்பாட்டத்தில் ஈடுபட்ட 35 பெண்களை போலீஸாா் கைது செய்தனா்.