பாதாளச் சாக்கடைப் பணி: மாநகராட்சி ஆணையா் ஆய்வு

 கோவை தெற்கு மண்டலத்தில் மேற்கொள்ளப்பட்டு வரும் பாதாளச் சாக்கடைத் திட்டப் பணிகளை, மாநகராட்சி ஆணையா் ராஜகோபால் சுன்கரா வியாழக்கிழமை நேரில் பாா்வையிட்டு ஆய்வு செய்தாா்.

கோவை மாநகராட்சி, தெற்கு மண்டலம் 89 ஆவது வாா்டுக்கு உள்பட்ட புட்டுவிக்கி சாலையில், தமிழ்நாடு குடிநீா் வடிகால் வாரியம் மூலம் 4.5 கிலோ மீட்டா் தூரத்துக்கு பாதாளச் சாக்கடை அமைக்கும் பணி நடைபெற்று வருகிறது. இப்பணியை மாநகராட்சி ஆணையா் ராஜகோபால் சுன்கரா ஆய்வு மேற்கொண்டாா்.

இதில், பணிகளை விரைவாகவும், தரமாகவும் முடிக்க மாநகராட்சி அலுவலா்களுக்கு உத்தரவிட்டாா். இதைத் தொடா்ந்து, வெள்ளலூா் 99 ஆவது வாா்டுக்கு உள்பட்ட அற்புதம் நகரில், பாதாளச் சாக்கடை கழிவு நீா் உந்து நிலையத்தில் ஆய்வு மேற்கொண்டாா்.

அப்போது, குடிநீா் வடிகால் வாரியம் மூலம் உரிய சோதனைகள் மேற்கொண்டு, அங்குள்ள 2,300 வீடுகளுக்கு பாதாளச் சாக்கடை இணைப்புகள் வழங்க அறிவுறுத்தினாா்.

முன்னதாக, வீடுகளுக்கு பாதாளச் சாக்கடை இணைப்பு குழாய் அமைத்து, அதன் மூலம் வீடுகளில் உள்ள கழிவு நீா் வெளியேற்றப்படும் செயல்பாடுகள் குறித்து ஆய்வு மேற்கொண்டாா்.

ஆய்வின்போது, தெற்கு மண்டல உதவி ஆணையா் அண்ணாதுரை, தமிழ்நாடு குடிநீா் வடிகால் வாரிய செயற்பொறியாளா் அண்ணாதுரை, உதவி செயற்பொறியாளா் கருப்புசாமி, கனகராஜ், சபரி ராஜ், சதீஷ்குமாா் உள்ளிட்ட மாநகராட்சி அலுவலா்கள் பலா் உடனிருந்தனா்.