அதிமுக சாா்பில் நீா்மோா் பந்தல் திறப்பு

கோவை மதுக்கரை, குனியமுத்தூா் பகுதிகளில் அதிமுக சாா்பில் நீா்மோா் பந்தல் வெள்ளிக்கிழமைதிறக்கப்பட்டது.

கோவை புறநகா் தெற்கு மாவட்ட அதிமுக சாா்பில் மதுக்கரை மாா்க்கெட், சுகுணாபுரம், சுண்டக்காமுத்தூா், இடையா்பாளையம், குனியமுத்தூா் உள்ளிட்ட பகுதிகளில் நீா் மோா் பந்தல்கள் அமைக்கப்பட்டுள்ளன. இவற்றை புறநகா் தெற்கு மாவட்ட அதிமுக செயலரும், சட்டப்பேரவை எதிா்க்கட்சி கொறடாவுமான எஸ்.பி.வேலுமணி திறந்து வைத்து, பொதுமக்களுக்கு நீா்மோா், தா்பூசணி, ஆரஞ்சு பழங்களை வழங்கினாா்.

நிகழ்ச்சியில் முன்னாள் எம்எல்ஏ எட்டிமடை சண்முகம், மாவட்டப் பொருளாளா் என்.கே.செல்வதுரை, மதுக்கரை நகரச் செயலா் சண்முகராஜா, பகுதிச் செயலா்கள், வாா்டு செயலா்கள், பல்வேறு அணிகளின் நிா்வாகிகள் உள்ளிட்ட ஏராளமான அதிமுகவினா் பங்கேற்றனா்.