கோவை வடக்கு வட்டத்தில் செப்டம்பா் 18 இல் ‘உங்களைத் தேடி உங்கள் ஊரில்’ திட்ட முகாம்

கோவை வடக்கு வட்டத்தில் ‘உங்களைத் தேடி உங்கள் ஊரில்’ திட்ட முகாம் செப்டம்பா் 18 இல் நடைபெறுகிறது.

Updated On :12 செப்டம்பர் 2024, 8:14 pm

கோவை வடக்கு வட்டத்தில் ‘உங்களைத் தேடி உங்கள் ஊரில்’ திட்ட முகாம் செப்டம்பா் 18 இல் நடைபெறுகிறது.

இது குறித்து மாவட்ட ஆட்சியா் அலுவலகம் வெளியிட்டுள்ள செய்திக்குறிப்பு:

கோவை வடக்கு வட்டத்தில் ‘உங்களைத் தேடி உங்கள் ஊரில்’ திட்டத்தின்கீழ் மாவட்ட ஆட்சியா், முதல்நிலை தலைமை அலுவலா்கள் ஆகியோா் செப்டம்பா் 18-ஆம் தேதி காலை 9 மணி முதல் செப்டம்பா் 19-ஆம் தேதி காலை 9 மணி வரை கள ஆய்வில் ஈடுபட்டு, பொதுமக்களிடம் குறைகளைக் கேட்டறிய உள்ளனா்.

கோவை வடக்கு வட்டத்தில் உள்ள கிராம நிா்வாக அலுவலகங்கள், வருவாய் ஆய்வாளா் அலுவலகங்கள், நகராட்சி, மாநகராட்சி மண்டல அலுவலகங்கள், பேரூராட்சி அலுவலகங்கள், வட்டார வளா்ச்சி அலுவலகங்களில் செப்டம்பா் 18-ஆம் தேதி காலை 11 மணி முதல் நண்பகல் 12 மணி வரை பொதுமக்களிடமிருந்து மனுக்கள் பெறப்பட உள்ளன.

மேலும், கோவை வடக்கு வட்டாட்சியா் அலுவலகத்தில் மாலை 4.30 மணி முதல் 6 மணி வரை மாவட்ட ஆட்சியரிடம் நேரில் மனு அளித்தும் பயன் பெறலாம்.

எனவே, இப்பகுதி மக்கள் இந்த வாய்ப்பைப் பயன்படுத்திக்கொள்ள வேண்டும் என்று தெரிவிக்கப்பட்டுள்ளது.

டிரெண்டிங்