ஈரான் போர் எதிரொலி: 350 விமானங்கள் ரத்து - மத்திய அரசுஅமெரிக்கா-இஸ்ரேல், ஈரான் போர்: வளைகுடா வாழ் தமிழர்களுக்கான உதவி எண்கள் அறிவிப்பு!சஞ்சு சாம்சன் அதிரடி அரைசதம்! சாதனை சேஸிங்குடன் அரையிறுதியில் இந்தியா!!கனடா பிரதமர் தில்லி வந்தடைந்தார்ஈரானில் கமேனி படுகொலைக்கு கண்டனம்! - காங்கிரஸ்அமீரகத்தில் தாக்குதல்: பணியாளர்கள் வீட்டிலிருந்தே பணிபுரிய அறிவுறுத்தல்!சென்னையில் அமெரிக்க தூதரகத்துக்கு பாதுகாப்பு அதிகரிப்புஅமெரிக்க ஏகாதிபத்தியம் இது..! கமேனி கொலைக்கு பினராயி விஜயன் கடும் கண்டனம்கமேனி கொல்லப்பட்டதற்கு சீனா கடும் கண்டனம்!ஏழை மக்களிடமிருந்து கொள்ளையடிக்கிறது திமுக : பிரதமர் மோடி மதுரையில் பேச்சு உதயநிதியை முதல்வராக்க கனவு காண்கிறார் மு.க. ஸ்டாலின் : டிடிவி தினகரன் 210 இடங்களில் வெற்றி பெற்று அதிமுக ஆட்சியமைக்கும்: எடப்பாடி பழனிசாமி
/

ஆா்.எஸ்.புரம் ஹாக்கி மைதானத்தில் விளையாட வாடகை நிா்ணயம்

News image
கோவை, ஆா்.எஸ்.புரம் மாநகராட்சிப் பள்ளியில் ஹாக்கி மைதானத்தில் துணை முதல்வா் உதயநிதி ஸ்டாலின்.- (கோப்புப் படம்)
Updated On :1 மார்ச் 2026, 7:05 pm

தினமணி செய்திச் சேவை

கோவை மாநகராட்சி ஆா்.எஸ்.புரம் ஹாக்கி மைதானத்தில் விளையாட நாள், போட்டி அடிப்படையில் வாடகை, தண்ணீா், மின்சாரக் கட்டணங்கள் நிா்ணயிக்கப்பட்டுள்ளது.

இதுகுறித்து, மாநகராட்சி அதிகாரி ஒருவா் கூறுகையில், ‘கோவை மாநகராட்சி மேற்கு மண்டலம் 72-ஆவது வாா்டுக்கு உள்பட்ட மாநகராட்சி இருபாலா் பள்ளி வளாகத்தில் உள்ள மைதானத்தில் 6,500 சதுர மீட்டா் பரப்பளவில் புதிதாக அமைக்கப்பட்டுள்ள செயற்கை புல்வெளியுடன் கூடிய ஹாக்கி மைதானத்தை இயக்கி பராமரிக்க ஒப்பந்ததாரரை நிா்ணயிக்கும் வரை மாநகராட்சி நிா்வாகம் மூலமாக இயக்கி, பராமரிக்க திட்டமிடப்பட்டுள்ளது.

அதன்படி, ஹாக்கி மைதானத்தை நாள் அடிப்படையில் பயன்படுத்த தனியாா் பள்ளி மற்றும் கல்லூரிகள், பொதுத் துறை நிறுவனங்களுக்கு வாடகை ரூ.5,000, தண்ணீா் கட்டணம் ரூ.2,560, மின்சாரக் கட்டணம் ரூ.1,000 என மொத்தம் ரூ.8,560 வசூலிக்கப்படும். காா்ப்ரேட் நிறுவனங்களுக்கு வாடகை ரூ.10,000, தண்ணீா் கட்டணம் ரூ.2,560, மின்சாரக் கட்டணம் ரூ.1,000 என மொத்தம் ரூ.13,560 வசூலிக்கப்படும்.

போட்டி அடிப்படையில் சங்கங்களுக்கு மைதான வாடகை ரூ.500, தண்ணீா் கட்டணம் ரூ.320, மின்சாரக் கட்டணம் ரூ.150 என மொத்தம் ரூ.970 வசூலிக்கப்படும். தனியாா் பள்ளி மற்றும் கல்லூரிகள் மற்றும் பொதுத் துறை நிறுவனங்களுக்கு வாடகை ரூ.1,000, தண்ணீா் கட்டணம் ரூ.320, மின்சாரக் கட்டணம் ரூ.150 என மொத்தம் ரூ.1,470 வசூலிக்கப்படும்.

காா்ப்பரேட் நிறுவனங்களுக்கு வாடகை ரூ.2,000, தண்ணீா் கட்டணம் ரூ.320, மின்சாரக் கட்டணம் ரூ.150 என மொத்தம் ரூ.2,470 வசூலிக்கப்படும்.

பயிற்சி பெறுவதற்கு ( மணி நேரம் அடிப்படையில்) சங்கங்களுக்கு வாடகை ரூ.200, தண்ணீா் கட்டணம் ரூ.160, மின்சாரக் கட்டணம் ரூ.150 என மொத்தம் ரூ.510 வசூலிக்கப்படும். தனியாா் பள்ளி மற்றும் கல்லூரிகளுக்கு வாடகை ரூ.500, தண்ணீா் கட்டணம் ரூ.160, மின்சாரக் கட்டணம் ரூ.150 என மொத்தம் ரூ.810 வசூலிக்கப்படும்.

விளையாட்டு அகாதெமிகளுக்கு மைதான வாடகை ரூ.750, தண்ணீா்க் கட்டணம் ரூ.160, மின்சாரக் கட்டணம் ரூ.150 என மொத்தம் ரூ.1,060 வசூலிக்கப்படும். ஒரு நாளில் அதிகபட்சம் 8 போட்டிகள் மட்டுமே நடத்த அனுமதிக்கப்படும்.

மாநகராட்சிப் பள்ளி மாணவா்களுக்கு வாடகை உள்ளிட்ட கட்டணங்கள் வசூலிக்கப்படாது என்றாா்.