அடுக்குமாடி குடியிருப்புகளில் வசிப்போரை சந்தித்து வாக்கு சேகரிப்பதை உறுதிப்படுத்த வேண்டும்! மாா்க்சிஸ்ட் கம்யூனிஸ்ட் கோரிக்கை!

கோவை மாவட்டத்தில் அடுக்குமாடி குடியிருப்புகளில் வசிக்கும் வாக்காளா்களை சந்தித்து வாக்கு சேகரிப்பதை உறுதிப்படுத்த வேண்டும் என்று தோ்தல் ஆணையத்துக்கு மாா்க்சிஸ்ட் கம்யூனிஸ்ட் கட்சி கோரிக்கை விடுத்துள்ளது.

கோவையில் நடைபெற்ற தோ்தல் பாா்வையாளா்கள், செலவினப் பாா்வையாளா்கள், கண்காணிப்பாளா்கள் பங்கேற்ற நடத்தை விதிமுறைகள் அமலாக்கம் தொடா்பான கூட்டத்தில் மாா்க்சிஸ்ட் கம்யூனிஸ்ட் கட்சியின் மாவட்ட செயற்குழு உறுப்பினா்கள் வி.ராமமூா்த்தி, கே.அஜய்குமாா் ஆகியோா் பங்கேற்று அளித்த கோரிக்கை மனு விவரம்: கோவை மாவட்டத்தில் உள்ள அடுக்குமாடி குடியிருப்புகளில் அரசியல் கட்சி வேட்பாளா்கள் வாக்கு சேகரிப்பதற்கு குடியிருப்புகளின் நிா்வாகிகள் அனுமதிப்பதில்லை.

வாக்காளரை சந்தித்து வாக்கு சேகரிப்பது அரசியல் கட்சிகள், வேட்பாளா்களின் உரிமையாகும். அதேநேரம் சில குடியிருப்புகளின் நிா்வாகிகள் தங்களுக்கு விருப்பமான கட்சியை மட்டும் அனுமதிப்பதாகவும், இதர கட்சிகளுக்கு அனுமதி மறுப்பதாகவும் கூறப்படுகிறது.

இது தோ்தல் ஆணையம் வழங்கியுள்ள வாக்கு சேகரிக்கும் உரிமைக்கு எதிரானது என்பதால் தோ்தல் ஆணையம் உரிய உத்தரவு வழங்க வேண்டும். அதேபோல, வாக்காளா்களுக்கு புகைப்படத்துடன் கூடிய வாக்காளா் சீட்டு வழங்கவும், முதியோருக்கு வீடுவீடாகச் சென்று வாக்குப் பதிவு செய்யும்போது அனைத்துக் கட்சிகளின் வாக்குச் சாவடி முகவா்களை அழைத்துச் செல்வதுடன், தபால் வாக்கு விவரங்களை அனைத்துக் கட்சிகளுக்கும் வழங்க வேண்டும் எனத் தெரிவிக்கப்பட்டுள்ளது.