தனி மனிதத் துதிபாடல்களை தவிர்க்கவும்... திருச்செந்தூர் கோயில் நிர்வாகம் அறிக்கை சென்னை பன்னாட்டு புத்தகத் திருவிழா ஜனவரி 16-ம் தேதி தொடக்கம்! திருப்பதி ஏழுமலையானுக்கு 121 கிலோ தங்க ஆபரணங்களை வழங்கும் பக்தர்! நீலகிரி, கொடைக்கானலில் 2 நாள்களுக்கு உறைபனி! வானிலை எச்சரிக்கை! அக்வான் புயல்: ராஞ்சியில் 20 விமானங்கள் ரத்து! அமெரிக்காவின் அதிநவீன ட்ரோனை சுட்டு வீழ்த்திய ஈரான்! தவெக ஆட்சி தானாக கவிழ்ந்துவிடும் - எடப்பாடி பழனிசாமி தவெக ஆட்சியில் உயிருக்கும் பயிருக்கும் பாதுகாப்பு இல்லை! டி.ஆர்.பி. ராஜா

திருப்பரங்குன்றம்: உச்சநீதிமன்றத் தீா்ப்பு சிறுபான்மையினரைக் காயப்படுத்தும் - வைகோ

திருப்பரங்குன்றம் விவகாரம் தொடா்பான உச்சநீதிமன்றத் தீா்ப்பு சிறுபான்மையினரைக் காயப்படுத்தும் வகையில் உள்ளது என்று மதிமுக பொதுச் செயலாளா் வைகோ தெரிவித்துள்ளாா்.

Vaiko

வைகோ

Updated On :

திருப்பரங்குன்றம் விவகாரம் தொடா்பான உச்சநீதிமன்றத் தீா்ப்பு சிறுபான்மையினரைக் காயப்படுத்தும் வகையில் உள்ளது என்று மதிமுக பொதுச் செயலாளா் வைகோ தெரிவித்துள்ளாா்.

சுற்றுச்சூழலைப் பாதுகாக்க வலியுறுத்தி தனியாா் அமைப்பு சாா்பில் கோவை, சிவானந்தா காலனியில் சனிக்கிழமை உண்ணாவிரதப் போராட்டம் நடைபெற்றது. இதில் சிறப்பு விருந்தினராகப் பங்கேற்று மதிமுக பொதுச் செயலாளா் வைகோ உண்ணாவிரதத்தை தொடங்கிவைத்தாா்.

முன்னதாக, செய்தியாளா்களிடம் அவா் கூறியதாவது: மறைந்த கொளத்தூா் எம்எல்ஏ வி.எஸ்.பாபுவின் இறுதிச்சடங்கின்போது யாரையும் நான் திட்டவில்லை. என்னை நெருங்கி வந்து யாரோ பின்னால் கையைப் பிடித்து இழுத்ததால்தான் கோபத்தில் பேசினேன் .திமுகவில் அவமானப்படுத்தப்பட்டதால்தான் அங்கிருந்து வெளியேறினேன். மேக்கேதாட்டு அணை விவகாரத்தில் அனைத்துக் கட்சிக் கூட்டம் தேவையற்றது.

திருப்பரங்குன்றம் தீபம் தொடா்பான உச்சநீதிமன்றத் தீா்ப்பு மிகவும் வேதனை அளிக்கிறது. திருப்பரங்குன்றத்தில் இஸ்லாமிய சகோதரா்கள் ஒரு பகுதியில் தா்கா வைத்துள்ளனா். நூற்றாண்டுகளாக மண்டபத்துக்கு அருகில் குறிப்பிட்ட ஓா் இடத்தில்தான் தீபம் ஏற்றப்பட்டு வருகிறது.

தூணின் உச்சியில் ஒருபோதும் தீபம் ஏற்றப்பட்டதில்லை. தீபத் தூணில் தீபம் ஏற்ற அனுமதி அளித்துள்ளது துரதிருஷ்டமான தீா்ப்பு. இது சிறுபான்மையின மக்களின் மனதைக் காயப்படுத்தும் செயலாகும். காவிரி விவகாரத்தில் மத்திய அரசு கா்நாடகத்துக்கு மறைமுக ஆதரவளிக்கிறது.

தமிழகத்துக்கு துரோகம் செய்யும் மத்திய அரசை வன்மையாக கண்டிக்கிறேன். நேரடியாக அனுமதி வழங்காமல் இருப்பது போன்ற தோற்றத்தை ஏற்படுத்தி, மேக்கேதாட்டு அணை கட்டும் பணிகளைத் தொடர கா்நாடகத்துக்கு பச்சைக்கொடி காட்டும் உத்தியை மத்திய அரசு கடைப்பிடிப்பதாகத் தெரிகிறது.

மேக்கேதாட்டு அணை திட்டத்துக்கு மத்திய அரசு வெளிப்படையாக ஆதரவளித்தால், தமிழகம் போராட்டத்தில் இறங்கும். மேக்கேதாட்டு அணை கட்டப்படுவதைக் கண்டித்து மதிமுக சாா்பில் தஞ்சாவூரில் வரும் 28-ஆம் தேதி போராட்டம் நடத்த உள்ளோம். நோ்மையான ஆட்சியை முதல்வா் விஜய் நடத்தி வருகிறாா். முன்பு ஆட்சி செய்த அரசுகள் அனைத்தும் ஊழல் நிறைந்தவை. அப்படியான ஊழல் இங்கு இல்லை என்றாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.