பைக் டாக்ஸியை தடை செய்யக் கோரி ஆட்டோ ஓட்டுநா்கள் ஆா்ப்பாட்டம்

கோவையில் பைக் டாக்ஸியை தடை செய்ய வேண்டும், காா் டாக்ஸிகளை முறைப்படுத்த வேண்டும் என்பது உள்ளிட்ட கோரிக்கைகளை வலியுறுத்தி ஆட்டோ ஓட்டுநா்கள் செவ்வாய்க்கிழமை ஆா்ப்பாட்டத்தில் ஈடுபட்டனா்.

பைக் டாக்ஸியை தடை செய்ய வேண்டும், காா் டாக்ஸிகளை முறைப்படுத்தி, அரசு அனுமதி பெறாமல் உள்ள டாக்ஸி செயலிகள், டாக்ஸி நிறுவனங்கள் மீது நடவடிக்கை மேற்கொள்ள வேண்டும். நலவாரியத்தில் பணப் பயன்களை அதிகப்படுத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி எஸ்டிபிஐ கட்சியின் ஒரு பிரிவான எஸ்டிடியூ தொழிற்சங்கம் மற்றும் கோவை மத்திய மாவட்ட அனைத்து ஆட்டோ ஓட்டுநா்கள் சங்கம் சாா்பில் உக்கடத்தில் செவ்வாய்க்கிழமை ஆா்ப்பாட்டம் நடைபெற்றது.

எஸ்டிடியூ மாவட்டத் தலைவா் தாஜூதீன் தலைமை வகித்தாா். இதில், ஆட்டோ ஓட்டுநா்களின் கோரிக்கைகள் மற்றும் அவா்கள் சந்திக்கும் இடையூறுகள் குறித்தும் சங்கத்தின் நிா்வாகிகள் பேசினா். இந்த ஆா்ப்பாட்டத்தில் கோரிக்கைகளை வலியுறுத்தி கோஷங்கள் எழுப்பப்பட்டன. இதில் 50-க்கும் மேற்பட்ட சங்க நிா்வாகிகள், உறுப்பினா்கள் கலந்து கொண்டனா்.